దారుణం : జర్నలిస్టుపై గుర్తు తెలియని వ్యక్తులు కాల్పులు

ఉత్తరప్రదేశ్ లో దారుణం చోటుచేసుకుంది. మేనకోడలిని వేధించినందుకు పోలీసు ఫిర్యాదు చేయడంతో జర్నలిస్టుపై సోమవారం రాత్రి గుర్తు తెలియని వ్యక్తులు కాల్పులు జరిపారు. ఈ ఘటన ఘజియాబాద్‌లో చోటుచేసుకుంది. విక్రమ్ జోషిగా గుర్తించబడిన జర్నలిస్ట్ సోమవారం రాత్రి తన కుమార్తెతో ఇంటికి తిరిగి వెళుతుండగా దుండగులు అతనిపై దాడి చేశారు.

ఘజియాబాద్‌లోని విజయ్ నగర్ ప్రాంతంలో జర్నలిస్ట్ విక్రమ్ జోషిపై కొంతమంది కాల్పులు జరిపారు. బుల్లెట్లలో ఒకటి విక్రమ్ జోషి తలలోకి దూసుకెళ్లినట్టు సమాచారం. దీంతో ఆయన తీవ్రంగా గాయపడ్డారు. ఘజియాబాద్‌లోని యశోద ఆసుపత్రికి తరలించారు, అక్కడ ఆయన పరిస్థితి విషమంగా ఉన్నట్టు వైద్యులు తెలియజేశారు. ఈ సంఘటన మొత్తం సిసిటివి కెమెరాలో రికార్డు అయింది.

దీనిపై విక్రమ్ జోషి సోదరుడు అనికేట్ జోషి మాట్లాడుతూ.. తన సోదరుడు ఇటీవల విజయ్ నగర్ పోలీస్ స్టేషన్లో లిఖితపూర్వక ఫిర్యాదును సమర్పించారని, ఇందులో కొంతమంది అబ్బాయిలు తన మేనకోడలితో అసభ్యంగా ప్రవర్తించారని ఆరోపించారు.

ఫిర్యాదుకు సంబంధించి కేసు నమోదు చేసినప్పటికీ, అరెస్టులు జరగలేదని జర్నలిస్ట్ సోదరుడు వార్తా సంస్థ ANI కి చెప్పారు. జర్నలిస్ట్ మేనకోడలితో అసభ్యంగా ప్రవర్తించిన వారు తన సోదరుడు దాడి చేశారని ఆరోపించారు.