నిధుల సమీకరణకు యూకో బ్యాంక్‌ బోర్డు గ్రీన్‌సిగ్నల్‌

రూ.3వేల కోట్ల నిధుల సమీకరణకు యూకో బ్యాంక్‌ బోర్డు గ్రీన్‌సిగ్నల్‌ ఇచ్చింది. ఇవాళ సమావేశమైన యూకో బ్యాంక్‌ బోర్డు... ఈ ఆర్థిక సంవత్సరం చివరినాటికి ఈ నిధులను సమీకరించడానికి సమ్మతించింది. ఎఫ్‌పీఓ, క్యూఐపీ, ప్రిఫరెన్షియల్‌ ఇష్యూతో పాటు ఇతర పద్ధతుల్లో ఈ నిధులను యూకో బ్యాంక్‌ సమీకరించనుంది.

ఈ నిర్ణయానికి కేంద్ర ప్రభుత్వంతో పాటు ఆర్‌బీఐ, సెబీ అనుమతులు తప్పనిసరి అని, ఆ అనుమతులను త్వరలోనే పొందుతామని యూకో బ్యాంక్‌ వెల్లడించింది. ఇక నిధుల సమీకరణ వార్తలతో ఇవాళ ఇంట్రాడేలో యూకో బ్యాంక్‌ 2శాతం లాభపడి డే గరిష్ట స్థాయి రూ.14.43కు చేరింది. ప్రస్తుతం అరశాతం లాభంతో రూ.14.22 వద్ద షేర్‌ ట్రేడవుతోంది.