coronavirus : మరోసారి 1,000కి పైగా మరణాలు..

యునైటెడ్ స్టేట్స్ లో వరుసగా నాల్గవ రోజు 1,000 మందికి పైగా మరణించినట్లు వైద్య శాఖ అధికారులు వెల్లడించారు. శుక్రవారం కరోనావైరస్ కారణంగా 1,019 మరణాలు సంభవించాయని నివేదించింది, అయితే ఈ సంఖ్య గురువారం 1,140 గా ఉంది, ఇక బుధవారం 1,135, మంగళవారం 1,141 మంది మరణించినట్లు వార్తా సంస్థ రాయిటర్స్ తెలిపింది. యుఎస్ లో ఇప్పటివరకు నాలుగు మిలియన్లకు పైగా కరోనావైరస్ కేసులు వెలుగుచూశాయి. అరిజోనా, కాలిఫోర్నియా, ఫ్లోరిడా, టెక్సాస్ మరియు కాలిఫోర్నియాలో అంటువ్యాధుల పెరుగుదల కారణంగా ఈ సంఖ్య చాలా వరకు పెరిగింది. అమెరికాలో వరుసగా రెండవ రోజు 70,000 కేసులను నమోదు చేసినట్టు రాయిటర్స్ పేర్కొంది.