రష్యా వ్యాక్సిన్ ప్రశ్నార్థకం..

రష్యా తయారుచేసిన కరోనా వ్యాక్సిన్ పై ప్రపంచ ఆరోగ్య సంస్థ (డబ్ల్యూహెచ్‌ఓ) అనేక సందేహాలను లేవనెత్తింది. టీకా మూడవ దశ ట్రయల్స్ గురించి సంస్థకు అనుమానం కలుగుతోంది. మూడవ దశ విచారణ లేకుండానే ఉత్పత్తి కోసం వ్యాక్సిన్ జారీ చేస్తే, అది ప్రమాదకరమైనదిగా పరిగణించబడుతుందని సంస్థ ప్రతినిధి క్రిస్టియన్ లిండ్‌మైర్ అన్నారు. మూడవ దశ ట్రయల్స్ పూర్తయిన తరువాతనే వ్యాక్సిన్ ఉత్పత్తి ప్రారంభించాలని సూచించారు.

టీకా తయారీకి రష్యా సరైన మార్గదర్శకాలను పాటించలేదని డబ్ల్యూహెచ్‌ఓ పేర్కొంది, అందువల్ల ఈ టీకా విజయవంతం అయినట్టు కాదని పేర్కొంది. వ్యాక్సిన్ ఉత్పత్తి కోసం డబ్ల్యూహెచ్‌ఓ అనేక మార్గదర్శకాలు రూపొందించిందని.. ప్రపంచంలోని అన్ని బృందాలు కూడా ఈ మార్గదర్శకాలను అనుసరించాల్సి ఉంటుందని పేర్కొంది. టీకాపై అన్ని క్లినికల్ ట్రయల్స్ ముగింపును ఇటీవల రష్యా ప్రకటించిన సంగతి తెలిసిందే. కాగా ప్రపంచ ఆరోగ్య సంస్థ తన వెబ్‌సైట్‌లో 25 టీకాలను క్లినికల్ ట్రయల్స్‌లో జాబితా చేయగా, 139 వ్యాక్సిన్లు ప్రస్తుతం ప్రీ-క్లినికల్ దశలో ఉన్నాయి.