పార్లమెంటు ఆవరణలోకి గుర్తు తెలియని వ్యక్తి కత్తితో ప్రవేశించి కలకలం సృష్టించాడు. ఆ వ్యక్తిని చూసిన భద్రతా సిబ్బంది ఒక్కసారిగా అప్రమత్తమయ్యారు. అతడిని అదుపులోకి తీసుకుని విచారిస్తున్నారు. గేట్ నెంబర్ 1 నుంచి దుండగుడు లోపలికి ప్రవేశించాడు.
అత్యంత కట్టుదిట్టంగా ఉండే పార్లమెంటు ఆవరణలోకి గుర్తు తెలియని వ్యక్తి ప్రవేశించడంతో భద్రతా వైఫల్యం మరోసారి బట్టబయలైంది. తీవ్రవాద దాడులు జరిగే ప్రమాదం ఉందని నిఘా వర్గాలు హెచ్చరిస్తున్నా ఇలాంటి ఘటనలు జరగడం ఆందోళన కలిగిస్తోంది.