చంద్రబాబు హయాంలో ఒక్క ఉద్యోగం కూడా రాలేదు అంటూ అసత్య ప్రచారం చేసిన జగన్‌.. ఇప్పుడు వాస్తవాలు బయట పెడుతున్నారని లోకేష్ ట్వీట్‌ చేశారు. చంద్రబాబు హయాంలో రాష్ట్ర యువతకి 9 లక్షల 56 వేల 263 ఉద్యోగాలు వచ్చాయని అసెంబ్లీ సాక్షిగా సీఎం జగనే చెప్పారని గుర్తు చేశారు. పరిశ్రమల ద్వారా 5 లక్షల 13 వేల 351 ఉద్యోగాలు, ఐటీ శాఖ ద్వారా 30 వేల428 ఉద్యోగాలు, అడ్వాన్స్‌ స్టేజ్‌లో ఉన్న 137 కంపెనీల ద్వారా 2 లక్షల 78 వేల 586 ఉద్యోగాలు వచ్చాయని స్వయంగా ప్రభుత్వమే చెప్పిందన్నారు. ఇవన్నీ వైసీపీ ప్రభుత్వం ఇస్తున్నట్టు దొడ్డిదారిన వచ్చిన ఉద్యోగాలు కాదని.. నిరుద్యోగ యువతకి చంద్రబాబు ఇచ్చిన ఉద్యోగాలు అంటూ లోకేష్ ట్వీట్‌ చేశారు.