గత 24 గంటల్లో మెక్సికో, బ్రెజిల్ దేశాల్లో కరోనా మరణాలు పెరిగాయి. అలాగే కొత్త కేసులు కూడా భారీగానే నమోదయ్యాయి. 24 గంటల్లో 708 మరణాలు సంభవించాయి. దాంతో దేశంలో మరణించిన వారి సంఖ్య ఇప్పుడు 15 వేల 357 కు చేరుకుంది. అదే సమయంలో, కొత్తగా 3333 సంక్రమణ కేసులు కనుగొనబడ్డాయి. దీంతో రోగుల సంఖ్య 1 లక్ష 30 వేలకు పెరిగింది. మెక్సికో నగరంలో వ్యాప్తి మరింతగా పెరుగుతుండటం వలన పరీక్షల సామర్ధ్యం మరింతగా పెంచాలని ప్రభుత్వం నిర్ణయించింది. మరోవైపు బ్రెజిల్ లో పరిస్థితి మరీ ఆందోళన కారణంగా మారింది.
బ్రెజిల్ దేశంలో అంటువ్యాధి కారణంగా 24 గంటల్లో 1274 మంది మరణించినట్లు బ్రెజిల్ ఆరోగ్య మంత్రిత్వ శాఖ తెలిపింది. దీంతో కరోనా వ్యాధితో మరణించిన వారి సంఖ్య 39 వేల 680 కు పెరిగింది. అలాగే బుధవారం కొత్తగా 32,913 కేసులు నిర్ధారించబడ్డాయి. దీనితో, కరోనా సోకిన వారి సంఖ్య 7 లక్షల 72 వేల 416 కు చేరుకుంది. ఒక రోజు ముందు, 32,091 కేసులు నమోదయ్యాయి, 1272 మరణాలు సంభవించాయి. యుఎస్ తరువాత కరోనా మరణాలు, కేసుల సంఖ్యలో బ్రెజిల్ రెండవ స్థానంలో ఉంది.