G7 శిఖరాగ్ర సమావేశానికి హాజరుకానున్న ప్రధాని.. తొలిసారి కెనడాకు పీఎం..

కెనడా ప్రధాన మంత్రి మార్క్ కార్నీ ఆహ్వానం మేరకు ప్రధాని నరేంద్ర మోదీ జూన్ 16-17 తేదీలలో కెనడాలో పర్యటిస్తారు, అక్కడ ఆయన G7 శిఖరాగ్ర సమావేశంలో పాల్గొంటారు.

జూన్ 15న ప్రధానమంత్రి తొలిసారిగా సైప్రస్‌ను సందర్శిస్తారు, రెండు దశాబ్దాల తర్వాత మధ్యధరా దేశానికి భారత ప్రధాని చేస్తున్న మొదటి పర్యటన ఇది. కెనడా అధ్యక్షుడు నికోస్ క్రిస్టోడౌలిడెస్‌తో చర్చలు జరపనున్నారు. లిమాసోల్‌లో వ్యాపార నాయకులను ఉద్దేశించి ప్రసంగిస్తారు. 

ఈ పర్యటన ద్వైపాక్షిక సంబంధాలను మరింతగా పెంచుకోవడానికి , యూరోపియన్ యూనియన్‌తో భారతదేశం యొక్క సంబంధాన్ని బలోపేతం చేయడానికి  అని విదేశాంగ మంత్రిత్వ శాఖ ఒక పత్రికా ప్రకటనలో తెలిపింది.

ఈ శిఖరాగ్ర సమావేశంలో, ప్రధానమంత్రి G-7 దేశాల నాయకులు, ఇతర ఆహ్వానించబడిన అంతర్జాతీయ సంస్థల అధిపతులతో ఇంధన భద్రత, సాంకేతికత ముఖ్యంగా AI-శక్తి అనుసంధానం మరియు క్వాంటం సంబంధిత అంశాలపై చర్చలు జరుగుతాయని విదేశాంగ మంత్రిత్వ శాఖ తెలిపింది. 

ఖలిస్తాన్ అంశంపై రెండు దేశాల మధ్య దౌత్య సంబంధాలు దెబ్బతిన్న తర్వాత ఉత్తర అమెరికా దేశానికి మోడీ చేస్తున్న తొలి పర్యటన ఇది. కెనడా గడ్డపై ఖలిస్తాన్ సానుభూతిపరుడు హర్దీప్ సింగ్ నిజ్జర్ హత్యలో భారత ప్రభుత్వ "ఏజెంట్ల" పాత్ర ఉందని కెనడా మాజీ ప్రధాని జస్టిన్ ట్రూడో ఆరోపించారు.

తన మూడు దేశాల పర్యటన చివరి దశలో, ప్రధాని జూన్ 18న క్రొయేషియాను సందర్శిస్తారు, ఇది యూరోపియన్ దేశానికి భారత ప్రధానమంత్రి చేసిన మొదటి పర్యటన అవుతుంది. ఈ పర్యటనలో, మోడీ క్రొయేషియా ప్రధాని ఆండ్రేజ్ ప్లెన్కోవిక్‌తో ద్వైపాక్షిక చర్చలు జరుపుతారు.