RONALDO: రొనాల్డో అంటే పేరు అనుకుంటివా.. బ్రాండ్
40 ఏళ్ల వయసులో అదరగొడుతున్న దిగ్గజం... రూ. 2000 వేల కోట్లతో మళ్లీ దక్కించుకున్న సౌదీ;
ప్రపంచంలో ఎన్ని క్రీడలున్నా, ఏ దేశాలకు ఎంత మార్కెట్ ఉన్నా.. ఆటతో పాటు బ్రాండ్ వాల్యూ క్రియేట్ చేసింది ప్రపంచంలోనే ఒక చిన్న దేశానికి చెందిన అథ్లెట్. అవును.. పోర్చుగీస్‌కి చెందిన క్రిస్టియానో రొనాల్డో అంటే ఒక పేరు కాదు.. ఎవరు అందుకోలేని బ్రాండ్. అతను కేవలం మార్కెట్ మాత్రమే కాదు ఆటకు అలంకారం. తాజాగా సౌదీ అరేబియా అతన్ని రూ. 2000 కోట్ల వార్షిక జీతంతో రిటైన్ చేసుకున్న సంగతి తెలిసిందే. 40 ఏళ్ల వయసులో ఎవరినైనా టీంలోకి తీసుకోవడమే ఎక్కువ అనుకుంటే రూ. 2000 కోట్లు ఇచ్చి మరి తీసుకున్నారు అంటే రొనాల్డో ఒక మామూలు క్రీడాకారుడు కాదు.. అతనొక కేసు స్టడీ అంటున్నారు డాక్టర్లు. ఫుట్‌బాల్ లాంటి కఠినమైన క్రీడల్లో ఫిట్‌గా ఉంటూ ఇన్నేళ్ల పాటు కెరీర్‌ను కొనసాగించడం అంత ఈజీ కాదు. కానీ రొనాల్డో మాత్రం ఇప్పటికీ అద్భుతమైన ఫిట్‌నెస్‌తో వరుస టోర్నీల్లో ఆడుతూ వరల్డ్ బెస్ట్ ప్లేయర్‌గా దుమ్మురేపుతున్నాడు. అతడి ఫిట్‌నెస్, హెల్త్ సీక్రెట్ ఏంటో కనుక్కునేందుకు అభిమానులు చాలా ఆసక్తి చూపిస్తుంటారు. తాజాగా ఈ విషయంపై సౌదీ అరేబియాకు చెందిన డాక్టర్ మహ్మద్ అలీ అల్ అహ్మదీ కీలక వ్యాఖ్యలు చేశారు. బయటకు కనిపించే ఫిజికల్ ఏజ్ కంటే రొనాల్డో బయోలాజికల్ ఏజ్ ఇంకా తక్కువ అని అన్నారు. అతడు అథ్లెట్ మాత్రమే కాదు.. ఒక కేస్ స్టడీ అని చెప్పారు.
రొనాల్డో మీద పరిశోధనలు
‘రొనాల్డోను కేవలం అథ్లెట్‌గా మాత్రమే చూడొద్దు. అతడో కేస్ స్టడీ. అతడి బయోలాజికల్ ఏజ్ 20 అని చెప్పొచ్చు. 40 ఏళ్లు నిండినా అతడు రోజురోజుకీ మరింత చిన్నవాడిలా మారుతున్నాడు. వయసు పెరుగుతున్నా అతడు యవ్వనంగా కనిపిస్తున్నాడు. ఇందుకు ఫిట్‌నెస్, ఆహారపు అలవాట్లే ప్రధాన కారణం. రొనాల్డో శరీరంలో 50 శాతం మజిల్ మాస్, 7 శాతం బాడీ ఫ్యాట్ ఉన్నాయి. ఆహారం, నిద్ర, ట్రెయినింగ్.. ఇలా ప్రతిదాన్నీ శాస్త్రీయంగా ప్లాన్ చేసుకొని పాటించడం వల్లే ఇది సాధ్యమైంది’ అని సైంటిస్ట్ అలీ అల్ అహ్మదీ పేర్కొన్నారు. అవకాశం వస్తే రొనాల్డో మీద మరిన్ని పరిశోధనలు చేసి ప్రపంచానికి అందిస్తానని, అందరూ అంత ఆరోగ్యంగా, ఫిట్‌గా ఉండేందుకు అది దోహదపడుతుందన్నారు.