Virat Kohli: లండన్ వీధుల్లో సాధారణ వ్యక్తుల్లా కూల్ గా కోహ్లీ, అనుష్క..
సెలబ్రెటీలు కనిపిస్తే చాలు కెమెరా ఫోకస్ చేసే కల్చర్ నుంచి తప్పించుకుని హాయిగా, ప్రశాంతంగా జీవితం గడుపుతున్నారు లండన్ లో విరాట్ కోహ్లీ, అనుష్క.;
క్రికెట్ జట్టు మాజీ కెప్టెన్ విరాట్ కోహ్లీ, అతని భార్య బాలీవుడ్ స్టార్ అనుష్క శర్మ తమ సెలబ్రెటీ స్టేటస్ ని ఏవీ గుర్తుంచుకోకుండా లండన్ వీధుల్లో ప్రశాంతంగా నడుస్తూ కనిపించారు. సాధారణ దుస్తులు ధరించి కబుర్లు చెప్పుకుంటూ, గుర్తుపట్టి పలకరించిన వారితో మాట్లాడుతూ నవ్వుతూ కనిపించారు.
అంతర్జాతీయ క్రికెట్ నుండి కోహ్లి విరామం తీసుకుంటున్న సమయంలో భద్రత లేకుండా స్వేచ్ఛగా తిరుగుతున్న దృశ్యాన్ని చూడటం చాలా మంది అభిమానులకు ఆశ్చర్యంగా అనిపించింది.
ఫిబ్రవరి 2024లో వారి రెండవ బిడ్డ అకాయ్ జన్మించిన తర్వాత ఈ జంట ఈ సంవత్సరం ప్రారంభంలో లండన్‌కు వెళ్లారు. ఆసక్తికరంగా, ఏప్రిల్‌లో, నటి మాధురీ దీక్షిత్ భర్త డాక్టర్ శ్రీరామ్ నేనే, రణవీర్ అల్లాబాడియాతో పాడ్‌కాస్ట్ సందర్భంగా అనుష్క తన పిల్లల పెంపకం కోసం లండన్‌కు మకాం మార్చడం గురించి తన ఆలోచనలను ఒకసారి పంచుకుందని వెల్లడించారు.
"నాకు కోహ్లీ పట్ల చాలా గౌరవం ఉంది. మేము అతన్ని చాలాసార్లు కలిశాము. మేము ఒక రోజు అనుష్కతో మాట్లాడాము, అప్పుడు ఆమె చాలా ఆసక్తికర వ్యాఖ్యలు చేసింది'' అని డాక్టర్ నేనే అన్నారు. తాము లండన్ లో సెటిల్ అవ్వాలనుకుంటున్నట్లు తెలిపింది.
ఎందుకంటే వారు ఇక్కడ తమ విజయాన్ని ఆస్వాదించలేరు. వారు చేసే ప్రతి పని ఇతరుల దృష్టిని ఆకర్షిస్తుంది. అందుకు వారికి కృతజ్ఞతలు తెలుపుతున్నాము. కానీ మేము దాదాపు ఒంటరిగా ఉన్న భావన కలుగుతుంది. ఏ పని మీద బయటకు వెళ్లినా కెమెరా కన్ను ఫోకస్ చేస్తుంది. అది మా పిల్లలపై ప్రభావం చూపిస్తుంది అని అనుష్క తెలిపింది. ఆమె ఆలోచనా విధానం సరైనదని అనిపించింది. అనుష్క, విరాట్ అందమైన వ్యక్తులు. వారు తమ పిల్లలను సాధారణంగా పెంచాలని కోరుకుంటున్నారు" అని నటి మాధురీ దీక్షిత్ భర్త డాక్టర్ నేనే తెలిపారు.
https://twitter.com/i/status/1957034294112624874