ప్రపంచ ఆధిపత్యానికి పిలుపునిచ్చిన హమాస్ కమాండర్

హమాస్ కమాండర్ మహమూద్ అల్-జహర్ తన దళాల ద్వారా ప్రపంచ ఆధిపత్యానికి పిలుపునిచ్చాడు. ఇజ్రాయెల్ మాత్రమే మొదటి లక్ష్యం అని చెప్పాడు. కొనసాగుతున్న ఇజ్రాయెల్-గాజా వివాదం మధ్య, హమాస్ కమాండర్ మహమూద్ అల్-జహర్ నుండి ఆందోళనకరమైన వీడియో సందేశం వెలువడింది. ప్రపంచ ఆధిపత్యం కోసం తన సమూహం యొక్క ఆశయాల గురించి మాట్లాడాడు. ఒక నిమిషం కంటే ఎక్కువ ఉన్న వీడియో ఫుటేజ్ ఇంటర్నెట్‌లో వైరల్‌గా మారింది. దీనిలో ఇజ్రాయెల్ కేవలం ప్రారంభ లక్ష్యం మాత్రమే అని ప్రపంచం మొత్తం మీద తమ ప్రభావాన్ని విస్తరించాలని లక్ష్యంగా పెట్టుకున్నామని అతను నొక్కి చెప్పాడు. ఇజ్రాయెల్ హమాస్‌పై యుద్ధం ప్రకటించిన సమయంలో ఈ హెచ్చరిక వచ్చింది.

వీడియో కనిపించిన కొన్ని గంటల తర్వాత, ఇజ్రాయెల్ ప్రధాన మంత్రి బెంజమిన్ నెతన్యాహు మాట్లాడారు. హమాస్‌కు వ్యతిరేకంగా పోరాటాన్ని కొనసాగించడానికి తన నిబద్ధతను పునరుద్ఘాటిస్తూ ఒక ప్రకటన విడుదల చేశారు. ప్రపంచం దాయెష్‌ను నాశనం చేసినట్లు మేము వారిని నాశనం చేస్తాము" అని అతను ఒక సంక్షిప్త టెలివిజన్ ప్రకటనలో చెప్పాడు. ఇంతలో, ఇజ్రాయెల్ సైనికులు, పౌరులను బందీలుగా పట్టుకున్న హమాస్ కార్యకర్తలు ఎటువంటి ముందస్తు హెచ్చరిక లేకుండా గాజాలోని ప్రతి ఇంటికి ఒకరిని ఉరితీస్తామని బెదిరించారు. ఇజ్రాయెల్ ప్రధాన మంత్రి బెంజమిన్ నెతన్యాహు మాజీ రక్షణ మంత్రి బెన్నీ గాంట్జ్‌తో అత్యవసర సమావేశాన్ని ఏర్పాటు చేశారు.

హమాస్‌ను ISIS కంటే అధ్వాన్నంగా పేర్కొంటూ, నెతన్యాహు శనివారం చేసిన కొన్ని దురాగతాలను ఉటంకించారు. ఈ రాక్షస క్రీడలో అమాయకపు ప్రజలను సజీవ దహనం అయ్యారని వాపోయారు. ఇజ్రాయెల్‌లోని ప్రతి కుటుంబంలోని ఎవరో ఒకరో యుద్ధానికి బలయ్యారని పేర్కొంది. "మన ఇంటి కోసం మనమందరం కలిసి పోరాడుతాము," అని ఆయన పేర్కొన్నారు. ప్రపంచ నాయకుల నుండి ఇజ్రాయెల్‌కు లభించిన "అపూర్వమైన" మద్దతును ఆయన వివరించారు. ఇజ్రాయెల్ మొత్తం తమ సైనికులకు వెన్నుదన్నుగా నిలుస్తుందని, ఈ యుద్ధంలో ఇజ్రాయెల్ గెలుస్తుందని నెతన్యాహు చెప్పారు.