రష్యా యుద్ధ నేపథ్యంలో ఉక్రెయిన్ కు ప్రపంచ దేశాల నుంచి మద్దతు పెరుగుతోంది. ఈ నేపథ్యంలో కొన్ని దేశాలు ఆర్థిక సాయం ప్రకటిస్తూ ఉండగా మరికొన్ని యుద్ధ విమానాలని అందిస్తున్నాయి. డెన్మార్క్, నెదర్లాండ్స్ నుంచి ఉక్రెయిన్‌కు ఎఫ్-16 ఫైటర్ జెట్‌లను డెలివరీ చేయడానికి అమెరికా ఆమోదించింది.
యుద్ధపీడిత ఉక్రెయిన్‌కు నాటో సభ్య దేశం నార్వే నుంచి ఎఫ్ 16 యుద్ధ విమానాలు అందుతాయి. రష్యాపై పోరులో ఈ ఫైటర్స్ ఉపయోగపడుతాయని నార్వే మీడియా తెలిపింది. నార్వే ప్రధాని జోనాస్ గాహ్ ఇప్పుడు ఉక్రెయిన్ పర్యటనలో ఉన్నారు. ఈ సందర్భంగా జెలెన్స్కీని అనంతరం ఆయన ఈ ప్రకటన చేశారు. అయితే వీటి సరఫరా ఎప్పటి నుంచి ? ఎన్ని ఫైటర్స్‌ను పంపిస్తున్నారనేది నిర్థారణ కాలేదు. ఉక్రెయిన్‌కు ఇప్పటివరకూ నెదర్లాండ్స్, డెన్మార్క్‌ల నుంచి ఈ తరహా యుద్ధ విమానాలు అందాయి. ఇప్పుడు ఈ దిశలో ఉక్రెయిన్‌కు సాయం అందించే మూడో యూరోపియన్ దేశంగా నార్వే నిలుస్తుంది.
గత సంవత్సరం, నార్వేజియన్ వైమానిక దళం వద్ద ఉన్న 57 , F-16 ఫైటర్స్ విమానాలలో 32 విమానాలను NATO మిత్రదేశమైన రొమేనియాకు విక్రయించడానికి అంగీకరించింది. ఇంకా మిగిలిన 12 విమానాలు US వైమానిక దళానికి శిక్షణనిచ్చే ప్రైవేట్ కంపెనీకి విక్రయించాల్సి ఉంది, అయితే ఈ ఒప్పందం ఇంకా తుది ఆమోదం పొందలేదు కాబట్టే ఆ జెట్‌లు ఉక్రెయిన్‌కు విరాళంగా ఇవ్వడానికి సరిపోతాయని అభిప్రాయమ వ్యక్తం చేస్తున్నారు.
మరోవైపు అనుకున్నట్టుగానే ఉక్రెయిన్‌కు త్వరలో ఎఫ్-16 ఫైటర్ జెట్‌లు వచ్చే అవకాశం ఉందని యునైటెడ్ స్టేట్స్ టాప్ జనరల్ తెలిపారు. రష్యా దాడికి వ్యతిరేకంగా ప్రతి దాడులు చేసేందుకు ఎఫ్ -16 ఫైటర్ జెట్ లను పంపిస్తామని యూఎస్ జాయింట్ చీఫ్స్ ఆఫ్ స్టాఫ్ చైర్మన్ మార్క్ మిల్లీ చెప్పారు.
డెన్మార్క్, నెదర్లాండ్స్ దేశాల నుంచి ఎఫ్-16 లను రానున్నాయని యుక్రెయిన్ ప్రెసిడెంట్ వోలోడొమిర్ జెలెన్స్కీ చెప్పారు. ఎఫ్-16 ఫైటర్ జెట్‌లు ఉక్రెయిన్ దేశ వైమానిక రక్షణను బలోపేతం చేస్తామని, ఇవి రష్యా దళాలపై ఎదురుదాడికి సహాయపడతాయని ఆయన చెప్పారు. యుక్రేనియన్లకు గణనీయమైన పోరాట శక్తి ఉందని మిల్లీ చెప్పారు. యుక్రెనియన్ సైనిక విజయం సాధించే అవకాశముందని మిల్లీ చెప్పారు.