AP : మన్యం జిల్లాలో ఏనుగుల హల్‌చల్

పార్వతీపురం మన్యం జిల్లాలో ఏనుగుల హల్‌చల్ చేశాయి. కొమరాడ మండలం బందవలసలో విధ్వంసం సృష్టించాయి. శ్రీనివాసరావు అనే రైతుల ఆయిల్ ఫామ్‌ తోటలోకి ప్రవేశించిన ఏనుగుల మంద బీభత్సం సృష్టించింది. అక్కడే ఉన్న ఆవులపై దాడి చేశాయి. ఈ ఘటనలో మూడు ఆవులు మృతి చెందాయి. మరోవైపు తోటలో పార్క్ చేసిన కారును పూర్తిగా ధ్వంసం చేశాయి. తోటలోని మోటార్లతో పాటు పైప్‌లను సైతం ధ్వంసం చేశాయి ఏనుగులు. మరోవైపు ఏనుగుల సంచారంతో స్థానిక ప్రజలు భయంభయంగా జీవనం సాగిస్తున్నారు. ఏ క్షణాన తమపై దాడి చేస్తాయోనని వణికిపోతున్నారు. అధికారులకు ఎన్ని సార్లు ఫిర్యాదు చేసిన పట్టించుకోవడం లేదని ఆవేదన వ్యక్తం చేస్తున్నారు. ప్రభుత్వం వెంటనే స్పందించి ఏనుగుల దాడి నుంచి తమను రక్షించాలని రైతులు వేడుకుంటున్నారు.