వైసీపీ ఎమ్మెల్యే రెడ్డిశాంతిపై సొంత పార్టీ నేతల తిరుగుబాటు

శ్రీకాకుళం జిల్లా పాతపట్నం వైసీపీలో వర్గపోరు భగ్గుమంది. సొంత పార్టీ నేతలే వైసీపీ ఎమ్మెల్యే రెడ్డిశాంతిపై తిరుగుబాటు చేశారు. ఈ ఎమ్మెల్యే మాకొద్దు అంటూ సర్పంచ్‌లు, ఎంపీటీసీలు నల్లబ్యాడ్జీలతో ర్యాలీ చేపట్టారు. ఎమ్మెల్యే రెడ్డి శాంతికి బుద్ధి చెప్పాలి అంటూ ప్లేకార్డుల ప్రదర్శించారు.

5 మండలాల వైసీపీ కార్యకర్తలు సైతం రెడ్డిశాంతిపై తీవ్రంగా మండిపడుతున్నారు. పార్టీ కోసం కష్టపడితే తమపైనే అక్రమ కేసులు పెడుతున్నారని ఆరోపించారు. రెడ్డిశాంతికి ఈసారి టికెట్ ఇస్తే సహకరించేది లేదని వైసీపీ సర్పంచ్‌లు, ఎంపీటీసీలు, కార్యకర్తలు మూకుమ్మడిగా తేల్చిచెప్పారు.