ప్రకాశం బ్యారేజీకి ఇన్‌ఫ్లో 6 లక్షల క్యూసెక్కులు.. 2వ ప్రమాద హెచ్చరిక జారీ

కృష్ణా నదికి వరద పోటెత్తుతోంది. ఎగువన నాగార్జున సాగర్ నుంచి ఉధృతంగా వస్తున్న వరద ప్రవాహంతో ప్రకాశం బ్యారేజీ వద్ద ఇన్‌ఫ్లో 6 లక్షల క్యూసెక్కులు దాటింది. దీంతో వచ్చిన వరదను వచ్చినట్టు సముద్రంలోకి వదిలిపెడుతున్నారు. 2వ ప్రమాద హెచ్చరిక జారీ చేసిన అధికారులు.. లోతట్టు ప్రాంతాలు, లంక గ్రామాల ప్రజలు అప్రమత్తంగా ఉండాలని హెచ్చరించారు. కరకట్ట ప్రాంతాలంతా పునరావాస శిబిరాలకు వెళ్లాలని అధికారులు సూచించారు.