ఏపీ కొత్త సీఎస్ గా ఆదిత్యనాథ్ దాస్

ఆంధ్రప్రదేశ్ కొత్త సీఎస్ గా ఆదిత్యనాథ్ దాస్ నియమితులయ్యారు. ప్రస్తుత సీఎస్ నీలం సాహ్ని పదవీ కాలం ఈనెల 31వ తేదీతో ముగియనుంది. ఈ నేపధ్యంలో కొత్త సీఎస్ గా ఆదిత్యనాథ్ ను ప్రభుత్వం నియమించింది. అయన ఈ నెల 31 న బాధ్యతలు చేపట్టనున్నారు. ఆదిత్యనాథ్ దాస్ స్వరాష్ట్రం బీహార్‌ కాగా, అయన తల్లిదండ్రులు డాక్టర్‌ గౌరీ కాంత్‌ దాస్‌, కుసుం కుమారి.. 1987వ బ్యాచ్‌కు చెందిన ఐఏఎస్‌ అధికారి ఈ ఆదిత్యనాథ్ దాస్. అటు సాహ్నిని సీఎం ప్రిన్సిపల్ అడ్వైజర్ గా నియమిస్తూ ఏపీ ప్రభుత్వం ఉత్తర్వులు జారీ చేసింది. అలాగే పురపాలకశాఖ కార్యదర్శిగా శ్రీలక్ష్మి, జలవనరులశాఖ కార్యదర్శిగా శ్యామలరావు, సాంఘిక సంక్షేమశాఖ కార్యదర్శిగా కె.సునీతను ఏపీ ప్రభుత్వం నియమించింది.