ఏపీలో కొనసాగుతున్న దేవాలయాలపై దాడులు.. శివాలయంలోని నవగ్రహాలయంలో విగ్రహం ధ్వంసం

భక్తులు, హిందూ ధార్మిక సంఘాలు, విపక్షాల ఆందోళనలు కొనసాగుతున్న వేళ కృష్ణా జిల్లా ఉయ్యూరు శివాలయంలో మరో ఘటన చోటుచేసుకుంది. శివాలయంలోని నవగ్రహాల ఆలయంలో.. కేతువు విగ్రహం చెయ్యి విరిగింది. ఈ ఘటన 2 నెలల క్రితం జరిగిందని అర్చకులు అంటున్నారు. ఈ విషయాన్ని దేవస్థానం అధికారులు గోప్యంగా ఉంచి.. దర్శనాలు నిలిపివేసినట్టు తెలుస్తోంది. కేతువు విగ్రహ స్థానంలో మరో విగ్రహాన్ని తెనాలిలో తయారు చేయిస్తున్నట్టు సమాచారం. దీంతోపాటు.. ఈ నెల 8న విగ్రహ పునఃప్రతిష్టకు రహస్య ఏర్పాట్లు జరుగుతున్నాయి. ఉయ్యూరు సీఐ నాగప్రసాద్‌, ఎస్సై షబ్బీర్ అహ్మద్‌లు.. ఘటనాస్థలాన్ని పరిశీలించారు. విషయం తెలుసుకుని బీజేపీ నాయకులు అక్కడికి చేరుకుని ఆందోళనకు దిగారు.