MAOISTS: అంత్య దశకు వచ్చిన మావోయిస్టు ఉద్యమం!
దేశంలో దశాబ్దాల తరబడి అడవుల్లో కొనసాగుతున్న మావోయిస్టు తిరుగుబాటు.. ముగింపు దశకు చేరుకుందా.. అంటే అవుననే సమాధానమే వినిపిస్తుంది. గత కొంతకాలంగా ఎదురుకాల్పుల్లో కీలక నేతలు చనిపోవడం.. మిగిలిన వారు లొంగిపోవడంతో.. మావోయిస్టు తిరుగుబాటు చివర దశకు చేరుకుంది అంటున్నారు విశ్లేషకులు. ఈ క్రమంలో మావోయిస్టులు కీలక ప్రకటన చేశారు. వారు లొంగిపోవడానికి నిర్ణయించుకున్నారు. ఈ మేరకు ఎం.ఎం.సీ జోన్‌ ప్రతినిధి అనంత్‌ పేరుతో ఓ లేఖను విడుదల చేశారు. జనవరి 1న ఆయుధాలను విడిచి లొంగిపోతామని అందులో పేర్కొన్నారు. అయితే లొంగుబాటు గురించి మావోలు కొన్ని రోజుల ముందే ప్రకటించారు. తాము లొంగిపోవాలంటే.. భద్రతా బలగాలు కూంబింగ్ ఆపేయాలని మావోయిస్టు పార్టీ కేంద్రంతో పాటు ఆయా రాష్ట్ర ప్రభుత్వాలను కోరిన సంగతి తెలిసిందే. మావోయిస్టుల కోరిక మేరకు కూంబింగ్ ఆగిపోయింది. ఈక్రమంలోనే వారు లొంగిపోవడానికి నిర్ణయించుకున్నారు.
కీలక ప్రకటన చేసిన మావోలు
మావోయిస్టులు కీలక ప్రకటన చేశారు. ఎంఎంసీ(మహారాష్ట్ర-మధ్యప్రదేశ్‌-ఛత్తీస్గఢ్) జోన్‌ ప్రతినిధి అనంత్‌ పేరుతో లేఖను విడుదల చేశారు. జనవరి 1న ఆయుధాలను విడిచి లొంగిపోతామని అందులో పేర్కొన్నారు. ఒక్కొక్కరు బదులుగా అందరం ఒకేసారి లొంగిపోతామని తెలిపారు. మావోయిస్టు అగ్రనేతలు మల్లోజుల, ఆశన్న లొంగుబాటు, హిడ్మా ఎన్‌కౌంటర్‌తో పార్టీ బలహీనమైందని పేర్కొన్నారు. మిగతావారు లొంగిపోవాలన్న కేంద్రం విజ్ఞప్తితో ఈ నిర్ణయం తీసుకున్నట్లు వివరించారు. 2026 జనవరి 1న సాయుధ పోరాటాన్ని విరమించుకుంటామన్నారు. ఆయుధాలు అప్పగించి ప్రభుత్వ పునరావాసాన్ని అంగీకరిస్తామని చెప్పారు. తమకు సహకరించే రాష్ట్రంలో లొంగిపోవడానికి సిద్ధమని పేర్కొన్నారు. అందరూ లొంగిపోయే వరకు మహారాష్ట్ర, మధ్యప్రదేశ్‌, ఛత్తీస్గఢ్ రాష్ట్రాల ప్రభుత్వాలు సంయమనం పాటించాలని కోరారు. గత కొన్ని రోజులుగా మావోయిస్టు అగ్రనేతలు మల్లోజుల, ఆశన్న లొంగిపోవడం.. ఆ తర్వాత మరో కీలక నేత హిడ్మా ఎన్‌కౌంటర్‌‌లో కన్ను మూయడంతో మావోయిస్టు పార్టీ బలహీనమైంది అంటున్నారు. ఈక్రమంలో మిగతావారు కూడా లొంగిపోవాలంటూ కేంద్రం విజ్ఞప్తి చేసింది. దీంతో వారు ఈ నిర్ణయం తీసుకున్నట్లు వివరించారు. జనజీవన స్రవంతిలో కలిసేందుకు తమకు కొంత సమయం కావాలని గతవారం మావోలు లేఖ రాసిన సంగతి తెలిసిందే.
ఆయుధాలు వీడుతాం
వెల్లడించిన లేఖలో 2026 జనవరి 1న సాయుధ పోరాటాన్ని విరమించుకుంటామని తెలిపారు. ఆయుధాలు అప్పగించి.. ప్రభుత్వం కల్పిస్తోన్న పునరావాసాన్ని అందుకుంటామని తెలిపారు. అయితే తమకు సహకరించే రాష్ట్రంలోనే తాము లొంగిపోతామని మావోయిస్టులు తెలిపారు. మావోయిస్టులు అందరూ లొంగిపోయే వరకు ఛత్తీస్గఢ్, మహారాష్ట్ర, మధ్యప్రదేశ్‌ రాష్ట్రాల ప్రభుత్వాలు సంయమనం పాటించాలని.. ఎలాంటి కూంబింగ్ నిర్వహించవద్దని వారు కోరారు. జనజీవన స్రవంతిలో కలిసేందుకు తమకు కొంత సమయం కావాలని గతవారం మావోయిస్టులు లేఖ రాసిన సంగతి తెలిసిందే. పశ్చిమబెంగాల్‌లోని నక్సల్‌బరి గ్రామంలో 1967లో నక్సల్ ఉద్యమం మొదలైన తర్వాత నక్సలైట్లుగా గుర్తింపు పొందిన మావోయిస్టులు.. తూర్పున జార్ఖండ్ నుంచి పశ్చిమాన మహారాష్ట్ర వరకు దేశంలోని మూడొంతుల జిల్లాలకు విస్తరించారు. ఈక్రమంలో 2014లో కేంద్రంలో అధికారంలోకి వచ్చిన బీజేపీ పార్టీ.. మావోయిస్టులు దేశానికి అతిపెద్ద ముప్పు అని పేర్కొంది. ఈ క్రమంలోనే మూడోసారి అధికారంలోకి వచ్చిన బీజేపీ.. మావోయిస్టులను లేకుండా చేయాలని భావించింది. మార్చి 2026 నాటికల్లా మావోయిజాన్ని దేశంలో లేకుండా చేస్తామని హోం మంత్రి అమిత్ షా చెప్పడంతో.. అసలు కథ మెుదలైంది.
అంత్య దశకు వచ్చిన మావోయిస్టు ఉద్యమం!
ఇది సంఘర్షణకు సరైన సమయం కాదు.. ఆయుధాలు ఒక ముగింపు, ఒక మార్గం కాదు.. కానీ సరైన మార్గాన్ని ఎంచుకోవడానికి తీసుకునే నిర్ణయమని కూడా స్పష్టం చేశారు. తమకు సహకరించే రాష్ట్రంలో లొంగిపోవడానికి సిద్ధమని పేర్కొన్నారు. అందరూ లొంగిపోయే వరకు మహారాష్ట్ర, మధ్యప్రదేశ్‌, ఛత్తీస్గఢ్ రాష్ట్రాల ప్రభుత్వాలు సంయమనం పాటించాలని కోరారు. మావోయిస్టు అగ్రనేతలు మల్లోజుల, ఆశన్న లొంగుబాటు, హిడ్మా ఎన్‌కౌంటర్‌తో పార్టీ బలహీనమైందని పేర్కొన్నారు. మిగతావారు లొంగిపోవాలన్న కేంద్రం విజ్ఞప్తితో సాయుధ విరమణ నిర్ణయం తీసుకున్నట్లు వివరించారు. ప్రభుత్వం చేపట్టిన ‘పూనా మార్గెం’ ప్రచారాన్ని అంగీకరిస్తున్నామని, శాంతి చర్చలకు అనుకూలంగా ముందుకు సాగడానికి సిద్ధమని తెలిపారు. పరస్పర సమన్వయం, కమ్యూనికేషన్‌ కోసం ఒక ఓపెన్‌ ఫ్రీక్వెన్సీ నంబర్‌‌ను కూడా విడుదల చేసినట్లుగా వెల్లడించారు.