Nandyala : వైసీపీ, టీడీపీ వర్గాల మధ్య ఘర్షణ

వైసీపీ, టీడీపీ వర్గాల మధ్య ఘర్షణతో నంద్యాల జిల్లా డోన్‌ మండలం మల్లెంపల్లిలో తీవ్ర ఉద్రిక్తత నెలకొంది. టీడీపీ మద్దతుదారుడైన ట్రాక్టర్‌ డ్రైవర్‌పై.. వైసీపికి చెందిన మార్కెట్‌యార్డ్ మాజీ ఛైర్మన్‌ రామచంద్రుడి కుమారుడు సుధీర్‌ దాడి చేశాడు. ఈ విషయం తెలియడంతో టీడీపీ వర్గాల ప్రశ్నించడానికి వెళ్లాయి. ట్రాక్టర్‌ డ్రైవర్‌పై ఎందుకు దాడి చేశారని నిలదీశాయి. ఈ క్రమంలో రెండు వర్గాల మధ్య గొడవ జరిగింది. రెండు వర్గాలు కర్రలు, రాళ్లతో దాడి చేసుకున్నాయి. గొడవను ఆపేందుకు ప్రయత్నించిన పోలీసులపైనా దాడి చేశారు. ఈ ఘర్షణలో ముగ్గురు పోలీసులతో పాటు చాలామందికి తీవ్ర గాయాలయ్యాయి.