TTD: సీఎం చంద్రబాబుకు టీటీడీ ఛైర్మన్‌ విషెస్‌

ఆంధ్రప్రదేశ్ ముఖ్యమంత్రి చంద్రబాబు నాయుడు పుట్టినరోజు సందర్భంగా తిరుమల తిరుపతి దేవస్థానాల (టీటీడీ) ఛైర్మన్ బీఆర్ నాయుడు హృదయపూర్వక శుభాకాంక్షలు తెలియజేశారు. రాష్ట్ర అభివృద్ధికి దూరదృష్టితో కృషి చేసిన నాయకుడిగా చంద్రబాబును ఆయన ప్రశంసించారు. సాంకేతిక రంగంలో ముందడుగు వేయడం నుంచి ఆధునిక నగరాల నిర్మాణం వరకు రాష్ట్రాన్ని కొత్త దిశగా తీసుకెళ్లిన విజనరీ నాయకుడిగా కొనియాడారు. హైదరాబాద్‌లో హైటెక్ సిటీ స్థాపన నుంచి అమరావతి నిర్మాణ లక్ష్యాల వరకు ఆయన చూపిన దూరదృష్టి ప్రత్యేకమని పేర్కొన్నారు. ప్రజల అభివృద్ధి కోసం నిరంతరం శ్రమిస్తున్న నాయకుడిగా చంద్రబాబు నిలుస్తారని అన్నారు. అలాగే శ్రీ వేంకటేశ్వర స్వామి ఆశీస్సులు ఎల్లప్పుడూ ఆయనపై ఉండాలని కోరుకుంటూ, ఈ సందేశాన్ని సామాజిక మాధ్యమం ద్వారా పంచుకున్నారు.