Vizianagaram: మునకలవలసలో ఉద్రిక్తత.. కర్రలు,ఇనుప రాడ్లతో దాడి

విజయనగరం జిల్లా రేగిడి మండలం మునకలవలసలో ఉద్రిక్తత నెలకొంది. స్థల వివాదంలో రెండు కుటుంబాల మధ్య ఘర్షణ చెలరేగింది. కర్రలు, ఇనుప రాడ్లతో పరస్పర ఇరు కుటుంబ సభ్యులు దాడి చేసుకున్నారు. ఈ ఘర్షణలో 8మందికి తీవ్ర గాయాలు అయ్యాయి. వీరిలో కొంత మంది ఘటనా స్థలంలోనే కుప్పకూలిపోయారు. బాదితులను స్థానికులు చికిత్స నిమిత్తం ఆస్పత్రికి తరలించారు. విషయం తెలుసుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు.