Bollywood: సోనూసూద్ 'ఫతే' పనులు షురూ
సోనూసూద్, జాక్వెలిన్ ఫెర్నాండెజ్ జంటగా వైభవ్ మిశ్రా దర్శకత్వంలో ZEE స్టూడియోస్ సమర్పణలో శాంతి సాగర్ ప్రొడక్షన్ నిర్మిస్తున్న సైబర్ క్రైమ్ యాక్షన్ థ్రిల్లర్ 'ఫతే'. ఈ సినిమా పనులు అమృత్‌సర్‌లో ఘణంగా ప్రారంభం అయ్యాయి. షూటింగ్‌ జరుగుతున్న సమయంలో సోనూ, జాక్వెలిన్ ఎథికల్ హ్యాకర్లచే శిక్షణ పొందడానికి వివిధ వర్క్‌షాప్‌లలో పాల్గొన్నారు.
సైబర్ క్రైమ్ నేపథ్యంలో తెరకెక్కనున్న ఈ సినిమా వాస్తవికతకు దగ్గర ఉండేలా రూపుదిద్దుకోనుందని, కరోనా సమయంలో ప్రజలకు జరిగిన కొన్ని నిజ జీవిత సంఘటనల ఆధారంగా ఈ సినిమా తీయడం జరుగుతతుందని హీరో సోనూ సూద్ తెలిపారు.
డైరెక్టర్‌ వైభవ్ మిశ్రా చెప్పిన స్టోరీ నచ్చడంతో తనిచ్చిన స్క్రిప్టు చదివాను, అది చదివినప్పటి నుంచి ఇలాంటి మంచి సినిమాలో నటించాలని ఆసక్తి పెరిగిందన్నారు జాక్వెలిన్ ఫెర్నాండెజ్. ఈ సినిమా ఖచ్చితంగా అందరికీ నచ్చుతుందని తెలిపారు.
