28 May 2022 6:57 AM GMT

Home
 / 
బిజినెస్ / Success Story: ఇంటర్...

Success Story: ఇంటర్ చదివి.. గాడిద పాలు అమ్మి కోట్లు సంపాదిస్తూ..

Success Story: చిన్నప్పుడు స్కూలుకు వెళ్లనని మారాం చేస్తున్న పిల్లల్ని తల్లిదండ్రులు.. చదువుకోపోతే పెద్దయ్యాక గాడిదలు కాస్తావా అని తిడుతుంటారు..

Success Story: ఇంటర్ చదివి.. గాడిద పాలు అమ్మి కోట్లు సంపాదిస్తూ..
X

Success Story: చిన్నప్పుడు స్కూలుకు వెళ్లనని మారాం చేస్తున్న పిల్లల్ని తల్లిదండ్రులు.. చదువుకోపోతే పెద్దయ్యాక గాడిదలు కాస్తావా అని తిడుతుంటారు..కానీ గాడిద ఏమీ అంత చీప్ కాదు.. దాని పాలకు మంచి డిమాండ్ ఉంది.. వాటి ద్వారా కోట్లు సంపాదించవచ్చు అని నిరూపించాడు తమిళనాడు తిరునల్వేకి చెందిన శ్రీ బాబు..

తమిళనాడులోని తిరునల్వేలిలో తొలి గాడిద ఫారమ్‌ను ఏర్పాటు చేసిన బాబు.. దాని పాలను బెంగళూరులోని ఓ కాస్మెటిక్ ఉత్పత్తుల సంస్థకు సరఫరా చేస్తున్నారు.

వన్నార్‌పేట్‌కు చెందిన యు. బాబు 11వ తరగతి ఉత్తీర్ణత సాధించినప్పటికీ చదువుకు స్వస్తి చెప్పాలని నిర్ణయించుకున్నాడు. ఫార్మా ఉత్పత్తుల పంపిణీలో ప్రవేశించి విజయం సాధించాడు. గాడిద పాలను కాస్మెటిక్ ఉత్పత్తులను తయారు చేస్తున్న ఒక సంస్థకు లీటరు పాలను రూ.7,000కు విక్రయించి గాడిద పాలకు ఎంత డిమాండ్ ఉందో తెలియజేస్తున్నాడు.

కాస్మొటిక్స్ సంస్థ గాడిద పాలతో 28 యునిసెక్స్ ఉత్పత్తులను తయారు చేస్తుంది. ఉత్పత్తుల తయారీకి వారికి ప్రతి నెలా 1,000 లీటర్ల గాడిద పాలు అవసరం పడతాయి. తమిళనాడులో కేవలం 2,000 కంటే తక్కువ గాడిదలు మాత్రమే ఉన్నాయని అవి రోజుకు 350 ml పాలను మాత్రమే ఇస్తాయని తెలుసుకున్నాడు.

ఈ క్రమంలోనే బాబు తానే సొంతంగా 'గాడిద ఫారం' ప్రారంభించాలని నిర్ణయించుకున్నాడు. తిరునెల్వేలి సమీపంలో గాడిద ఫారమ్‌ను ప్రారంభించాలనే తన ఆలోచనను అతను తన కుటుంబ సభ్యులకు వెల్లడించినప్పుడు అందరూ అతడిని తక్కువ అంచనా వేశారు. గాడిద పాలకు ఉన్న డిమాండ్ గురించి వారికి వివరించాడు. అయినా అతడి ఆలోచనను విరమించే ప్రయత్నం చేశారు భార్యతో సహా.

"కానీ, అతడు మాత్రం తన ప్రయత్నాలు కొనసాగించాడు. వృద్ధాచలం జిల్లా నుండి 10 ml గాడిద పాలను రూ. 50కి విక్రయిస్తున్న వ్యక్తులను గుర్తించాడు. వృద్ధాప్యాన్ని నిరోధించే మూలకాలతో కూడిన ఈ పాలు పసిబిడ్డల రోగనిరోధక శక్తిని పెంపొందిస్తాయని గ్రామ ప్రజల్లో బలమైన నమ్మకం ఉంది. దాంతో తన స్నేహితుడి నుండి లీజుకు తీసుకున్న 17 ఎకరాల భూమిలో 'డాంకీ ప్యాలెస్' నిర్మించాడు.. అందులో మొత్తం 100 గాడిదలను పెంచుతున్నాడు.

అతని వద్ద గుజరాత్‌కు చెందిన హలారి గాడిదలు మరియు తమిళనాడులోని దేశీ రకంతో పాటు మహారాష్ట్రకు చెందిన కతియావాడికి చెందిన గాడిదలు ఉన్నాయి. "దేశీ రకానికి చెందిన గాడిద ధర సుమారు రూ40,000 అయితే, రోజుకు 1 లీటర్ పాలు ఇచ్చే హలారిస్ గాడిద ఖరీదు మాత్రం లక్ష అని ఆయన చెప్పారు. ఇక్కడికి సమీపంలోని ముక్కూడల్‌లో 5 ఎకరాల పొలం లో రాగులు, ముత్యాలు తదితర పంటలను పండిస్తున్నాడు. వాటిని గాడిదలకు మేత కోసం ఉపయోగిస్తున్నాడు.


బాబు కుటుంబంలోని మరో వ్యక్తి జి. సంతోష్‌ ఎలక్ట్రికల్‌ అండ్‌ ఎలక్ట్రానిక్స్‌ లో ఇంజినీరింగ్‌ ఫైనల్‌ ఇయర్‌ చదువుతున్నాడు. అతడికి కూడా ఉద్యోగం చేయడం ఇష్టం లేదు.. బాబు వెంచర్ లో భాగం కావాలనుకుంటున్నాడు.. మార్కెటింగ్ విభాగాన్ని చూసుకోవాలనుకుంటున్నట్లు చెప్పాడు.

99% కంటే ఎక్కువ TFM (మొత్తం కొవ్వు పదార్థం) కలిగిన గాడిద పాలను శీతలీకరించి, సబ్బులు, చర్మం మరియు జుట్టు సంరక్షణ కోసం లోషన్లు, క్రీమ్ మొదలైన సౌందర్య సాధనాలను తయారు చేయడానికి గాడిద పాలను బెంగళూరుకు పంపిస్తారు. గాడిద పాలతో తయారు చేసిన సబ్బు ధర మన దేశంలో రూ. 799లు ఉంటే, అదే USలో అయితే దీని ధర రూ.1,299 పలుకుతోంది.

బెంగళూరులోని కాస్మొటిక్ కంపెనీతో బాబు ఒప్పందం కుదర్చున్నాడు. వీటికి యూరప్‌లో కూడా ఎక్కువ డిమాండ్ ఉందని తెలుసుకున్నాడు.. అక్కడకు ఎగుమతి చేయడం ద్వారా తన వ్యాపార సామ్రాజ్యాన్ని విస్తరింపజేయాలనుకుంటున్నాడు. అందుకే దేన్నీ తక్కువగా చూడకూడదు.. ఎవరినీ తక్కువ అంచనా వేయకూడదు.

Next Story