24 Dec 2021 9:19 AM GMT

Home
 / 
బిజినెస్ / Toyota C+Pod:...

Toyota C+Pod: బుజ్జికారు భలేఉంది.. ధర చూస్తే..

Toyota C+Pod: నగరాల్లోని ట్రాఫిక్‌ను దృష్టిలో ఉంచుకుని టయోటా గత ఏడాది డిసెంబర్‌లోనే జపాన్‌ ఈ కారును ఆవిష్కరించింది.

Toyota C+Pod: బుజ్జికారు భలేఉంది.. ధర చూస్తే..
X

Toyota C+Pod: ఆటోమొబైల్ రంగంలో పేరెన్నికగన్న సంస్థ జపాన్‌కు చెందిన టయోటా. ఈ సంస్థ నానో కారు కంటే చిన్నగా ఉండే ఓ ఎలక్ట్రిక్ కారును ఆవిష్కరించింది. పార్కింగ్ స్థలం, రేంజ్ వీటన్నింటిని దృష్టిలో ఉంచుకొని టయోటా సీప్లస్ పాడ్ (C+pod) కారును లాంచ్ చేసింది.

సీ+పాడ్ ప్రత్యేకతలు..

నగరాల్లోని ట్రాఫిక్‌ను దృష్టిలో ఉంచుకుని టయోటా గత ఏడాది డిసెంబర్‌లోనే జపాన్‌ ఈ కారును ఆవిష్కరించింది. తాజాగా అన్ని దేశాల్లో సీ+పాడ్ అందుబాటులోకి వచ్చే అవకాశం ఉన్నట్లు తెలుస్తోంది. ఇక ఈ కారులో రెండు సీట్లు మాత్రమే ఉన్నాయి. పూర్తిగా బ్యాటరీతో పనిచేస్తుంది.

త్రీటోన్ కలర్ ఆప్షన్స్‌తో వస్తున్న సీ+పాడ్‌కు 9.06 kwh లిథియం అయాన్ బ్యాటరీను అమర్చారు. ఈ కారు దాదాపు 150 కిమీ రేంజ్‌ను ఇవ్వనుంది. గరిష్ట వేగం గంటకు 60 కి.మీ.. స్టైలింగ్ పరంగా టయోటా సీ+పాడ్ ఎల్‌ఈడీ హెడ్ లైట్స్, ఎల్‌ఈడీ టెయిల్ లైట్లతో రానుంది. ఈ కారు బరువును తగ్గించేందుకు ప్యానెల్‌ను పూర్తిగా ప్లాస్టిక్‌తో తయారు చేశారు.

ఇక ధర విషయానికి వస్తే.. టయోటా సీ+పాడ్ ఎక్స్, జీ అనే రెండు వేరియంట్లలో రానుంది. ఎక్స్‌ట్రిమ్ ధర 1.65 మిలియన్ యెన్ (సుమారు రూ. 11.75 లక్షలు)గా ఉండగా, జీ ట్రిమ్ ధర 1.71 మిలియన్ యెన్ (సుమారు రూ.12.15 లక్షలు)గా ఉంది.

Next Story