'1134' Trailer : జీరో బడ్జెట్ మూవీ... ట్రైలర్ రిలీజ్

జీరో బడ్జెట్ మూవీగా తెరకెక్కుతోనన ‘1134’కు శరత్ చంద్ర తడిమేటి దర్శకుడిగా పరిచయం కాబోతున్నారు. కంటెంట్ ఓరియెంటెడ్ సినిమాగా వైవిధ్యభరితమైన కథతో ప్రేక్షకుల ముందుకు రాబోతోన్న ఈ సినిమా రాబరీ నేపథ్యంలో తెరకెక్కుతోంది. కేవలం టైటిల్ తోనే ఇంట్రస్ట్ రేకెత్తిస్తోన్న ఈ సినిమాకు.. తాజాగా రిలీజైన ట్రైలర్ అదనపు బలాన్ని చేకూరుస్తోంది. కథా, కథనాలు మూవీపై పాజిటివ్ రెస్పాన్స్ వచ్చేలా ఉన్నాయి. దీంతో ‘1134’ చిత్రంపై మేకర్స్ భారీగానే హైప్ తీసుకువచ్చినట్టు తెలుస్తోంది.

2 నిమిషాల 28 సెకనుల నిడివితో సాగిన ఈ మూవీ ట్రైలర్.. ఆద్యంతం ఉత్కంఠభరితమైన సన్నివేశాలతో కూడుకొని ఉంది. ఏటీఎం( ATM) దొంగతనాలు చేస్తున్న ముగ్గురు వ్యక్తుల కథను ఎంతో వైవిధ్యభరితంగా మలిచారని ఈ ట్రైలర్ చూస్తుంటేనే అర్థమవుతోంది. భారీ డైలాగ్స్ జోలికి పోకుండా మేకర్స్.. కేవలం థ్రిల్లింగ్ సన్నివేశాలతోనే సినిమాపై అంచనాలు పెంచేశారు. ట్రైలర్ చివరలో 'అన్నీ నువ్వనుకునేలా జరిగితే మరి నేనెందుకురా ఇక్కడ' అంటూ వచ్చిన డైలాగ్.. ఈ సినిమాలో ఏదో కొత్త కోణం చూపించబోతున్నారని స్పష్టం చేస్తోంది. హై టెక్నికల్ వాల్యూస్‌తో అన్నివర్గాల ఆడియన్స్ అట్రాక్ట్ అయ్యేలా ఈ సినిమాను తెరకెక్కించారు డైరెక్టర్ శరత్ చంద్ర తడిమేటి. ప్రతి సన్నివేశం కూడా ఎంతో థ్రిల్ చేసేలా షూట్ చేశారు. మరికొద్ది రోజుల్లో ఈ మూవీ రిలీజ్ కానున్న నేపథ్యంలో చిత్ర ప్రమోషన్స్‌ ఇప్పటికే వేగవంతం చేశారు.

కాగా ఈ వేడుకకు హాజరైన హీరో నందు.. తాను, శరత్ ఎప్పటి నుంచో ఫ్రెండ్స్ అని, ఈ రోజు తాను ఇక్కడకు రావడానికి కారణం తమ స్నేహబంధమేనని చెప్పుకొచ్చారు. మాకు తరుణ్ భాస్కర్, అడివి శేష్ కుల దైవం వంటి వారు. వాళ్లే ఈ జీరో బడ్జెట్ చిత్రాలను ప్రారంభించారు. క్షణం, పెళ్లి చూపులు అలానే మొదలయ్యాయి. ఎంత బడ్జెట్‌తో సినిమాను తీశామని కాదు.. కంటెంట్ ఉందా? లేదా? అన్నది ముఖ్యం. ఆ నమ్మకంతోనే శరత్ ఈ సినిమాను తీశాడు. నో బడ్జెట్‌తో తీసిన ఈ సినిమా పెద్ద హిట్ అవ్వాలని కోరుకుంటున్నాను’ అని అన్నారు.

‘ఈ సినిమాను మేం ఎంతో ప్యాషన్‌తో నిర్మించాం. జీరో బడ్జెట్, నో బడ్జెట్ సినిమాగా ఈ ప్రాజెక్ట్ చేశాం. ఈ సినిమాకు మేం ఏమీ ఖర్చు పెట్టలేదు. ఈ చిత్రానికి సెన్సార్ పూర్తయింది. క్లీన్ యూ సర్టిఫికేట్ వచ్చింది. ఇలాంటి డార్క్ సబ్జెక్ట్‌ను అందరూ చూడాలని ఎలాంటి వల్గారిటీ, బూతులు పెట్టలేదు. అందరినీ ఎంటర్టైన్ చేస్తుంది. ఇప్పుడు జరుగుతున్న స్కాంల గురించి వివరించాను’ అని శరత్ చంద్ర తడిమేటి వ్యాఖ్యానించారు.

ఇక రాంధుని క్రియేషన్స్ బ్యానర్‌పై తెరకెక్కుతున్న ఈ '1134' చిత్రంలో కృష్ణ మడుపు, ఫణి భార్గవ్, నర్సింగ్ వాడేకర్, గంగాధర్ రెడ్డి, ఫణి శర్మ కీలక పాత్రల్లో నటిస్తున్నారు. శ్రీ మురళీ కార్తికేయ సంగీతం అందిస్తున్నారు. నజీబ్ షేక్, జితేందర్ తలకంటి సినిమాటోగ్రఫీ గా వ్యవహరించారు.