అందం, ఆరోగ్యం ఆయుర్వేదంతోనే అంటున్న 7 బాలీవుడ్ బ్యూటీస్
గత కొన్ని సంవత్సరాలుగా,ఆయుర్వేదం గణనీయమైన పునరుజ్జీవనాన్ని చవిచూసింది. ఆసక్తికరమైన విషయమేమిటంటే, ఇది పాశ్చాత్య దేశాలలో జనాదరణ పొందే వరకు దాని స్థానిక భారతదేశంలో దాదాపుగా మరుగున పడిపోయింది.
యునైటెడ్ స్టేట్స్‌లో ఆయుర్వేద క్లినిక్‌లు ఏర్పాటు చేయడం, అక్కడి వారు ఆయుర్వేదంపై మక్కువ చూపించడంతో భారతదేశంలో కూడా ఆయుర్వేదం దాని పూర్వ వైభవాన్ని సంతరించుకుంది. చాలా మంది బాలీవుడ్ ప్రముఖులు ఈ పురాతన వెల్‌నెస్ సిస్టమ్‌ను ఉత్సాహంగా స్వీకరించారు. కేవలం యోగానే కాకుండా సాంప్రదాయ ఆహారాలు, ఆయిల్ మసాజ్‌లు, పంచకర్మ చికిత్సలను వారి జీవనశైలిలో చేర్చుకున్నారు.
కరీనా కపూర్
దాదాపు పదేళ్ల క్రితం, బాలీవుడ్ స్టార్ కరీనా కపూర్ ప్రకాశవంతమైన చర్మాన్ని కొనసాగిస్తూ సైజ్ జీరో నటిగా పేరు తెచ్చుకుని అందరినీ ఆశ్చర్యపరిచింది. ఈ మార్పు వెనుక ఉన్న వ్యక్తి ఆమె పోషకాహార నిపుణురాలు రుజుతా దివేకర్. సాంప్రదాయ ఆయుర్వేద వైద్యాన్ని ఆమె అభ్యసించారు. రుజుతా కాలానుగుణ పండ్లు, కూరగాయలను ఆహారంలో చేర్చుకోవాలని, ఒక మీల్ లో ఆవు నెయ్యిని జోడించాలని, సాత్విక భోజనంపై దృష్టి పెట్టాలని సూచిస్తారు. కరీనా ఆమె చెప్పిన వన్నీ కచ్చితంగా పాటిస్తారు.
శిల్పాశెట్టి
ఆయుర్వేద సూత్రాల ద్వారా మార్గనిర్దేశం చేయబడిన రోజువారీ యోగా నియమావళి ద్వారా శిల్పా శెట్టి చివరకు తన ప్రశాంతతను కనుగొన్నారు. ఆయుర్వేదం ప్రకారం దినచర్యకు కట్టుబడి ఉండటం కీలకం. ఇందులో సూర్యోదయానికి 45 నిమిషాల ముందు మేల్కోవడం, మంత్రాలు చదవడం, ఆయిల్ మసాజ్, యోగా వంటివి ఉంటాయి. గోరువెచ్చని నీటిని తీసుకోవడం కూడా శరీరాన్ని నిర్విషీకరణ చేయడంలో సహాయపడుతుందని సలహా ఇస్తారు.
హేమ మాలిని
ఆయిల్ తో మసాజ్ చేసుకుంటే శరీరంలో రక్త ప్రసరణ మెరుగుపరచడానికి, చనిపోయిన చర్మ కణాలను స్క్రబ్బింగ్ చేయడానికి ఉపయోగపడతాయి. వృత్తాకార కదలికలలో స్క్రబ్ చేయడం మంచిది. హేమ మాలిని యొక్క నిత్య యవ్వన మెరుపు వెనుక రహస్యం కొబ్బరి నూనె మసాజ్ అని చెబుతారు.
మీరా రాజ్‌పుత్
గత వేసవిలో, మీరా రాజ్‌పుత్ తాను మరియు షాహిద్ కపూర్ పంచకర్మ డిటాక్స్ సెషన్ మధ్యలో ఉన్నామని సోషల్ మీడియాలో పోస్ట్ పెట్టింది. శరీరం నుండి పేరుకుపోయిన టాక్సిన్స్‌ను తొలగించి దాని సహజ సమతుల్యతను పునరుద్ధరించడానికి రూపొందించిన ఏడు రోజుల డిటాక్స్ ప్రోగ్రామ్‌ను వారు నిర్వహిస్తున్నారని ఆమె పేర్కొన్నారు. ఈ ప్రక్రియ యొక్క ప్రయోజనాలు మెరుగైన జీవక్రియ, మెరుగైన రక్త ప్రసరణ, మెరుగైన నిద్రమరియు ఆకలి అని పేర్కొంది.
సోనమ్ కపూర్
సోనమ్ ఇంతకు ముందు బొద్దుగా దాదాపు 90 కిలోల బరువు ఉండేది. ఇప్పుడు ఇంత స్లిమ్ గా ఉండడానికి యోగ, ఆయుర్వేదమే కారణమని చెబుతోంది. ఈ రోజు ఆమె కేవలం ఇన్‌ఫ్లుయెన్సర్ మాత్రమే కాదు, ఫ్యాషన్ ఐకాన్ కూడా. ఆమె యోగా గురు భరత్ ఠాకూర్. బీహార్ స్కూల్ ఆఫ్ యోగా పూర్వ విద్యార్థి అయిన ఠాకూర్ ఆరోగ్యానికి సంబంధించిన సాంప్రదాయ ఆయుర్వేద సూత్రాలను గురించి వివరిస్తూ యోగా చెబుతారు.
మలైకా అరోరా
50కి చేరువవుతున్న మలైకా అద్భుతమైన శరీరాకృతిలో ఉంది. ఇరవైలలో ఉన్న వారిని బీట్ చేస్తూ 50ల్లోనూ నవ యవ్వనంతో తొణికిసలాడుతుటుంది. ఆమె తన ఫిట్‌నెస్‌ను యోగా మరియు ఆయుర్వేద సూత్రాలతో మిళితం చేస్తుంది. రోజువారీ జీవితంలో యోగా చేర్చడం వల్ల మనసుకు ప్రశాంతత లభిస్తుందని చెబుతోంది.
బిపాసా బసు
కొన్ని సంవత్సరాల క్రితం, బిపాసా బసు తన ఇన్‌స్టాగ్రామ్‌లో రోగనిరోధక శక్తిని పెంచే విలువైన వంటకాన్ని పంచుకుంది. రోజూ ఒక టీస్పూన్ ఈ మూలికా మిశ్రమాన్ని వేడి నీటిలో కలిపి లేదా పప్పు వంటి డిష్‌లో కలుపుకోవాలని ఆమె సలహా ఇచ్చింది. రెసిపీలో మూలికలు పుష్కలంగా ఉన్నాయని తెలిపింది. ఈ శక్తివంతమైన ఆయుర్వేద పౌడర్‌ను ఎలా తయారుచేయాలో కూడా ఆ వీడియోలో వివరించింది.
