Adah Sharma : సుశాంత్ ఫ్లాట్ కొనుగోలుపై అదా క్లారిటీ
'కేరళ స్టోరీ' నటి అదా శర్మ ఇటీవల దివంగత నటుడు సుశాంత్ సింగ్ రాజ్‌పుత్ ముంబై ఫ్లాట్‌ను కొనుగోలు చేస్తారా లేదా అనే దానిపై స్పందించారు. జూన్ 14, 2020న సుశాంత్ తన ఫ్లాట్‌లో శవమై కనిపించిన విషయం అందరికీ తెలిసిందే. అప్పటి నుండి, ప్రజలు ఈ స్థలాన్ని విక్రయించడానికి, అద్దెకు ఇవ్వడానికి కూడా ఇబ్బందులు ఎదుర్కొంటున్నారు. ముంబైకి చెందిన రియల్ ఎస్టేట్ బ్రోకర్ రఫీక్ మర్చంట్ దాని గురించి బాలీవుడ్ హంగామాతో మాట్లాడాడు. ఈ ఫ్లాట్ కోసం అద్దెదారులను పొందడానికి మూడు సంవత్సరాలు పట్టిందని చెప్పాడు. ఇంతలో, అదా తన కొత్త ఫ్లాట్ చుట్టూ ఉన్న ఊహాగానాలను ఉద్దేశించి, కొంతకాలం తర్వాత దాన్ని కొంటున్నానో లేదో ప్రజలకు తెలియజేస్తానని చెప్పింది. ఈ వీడియోను ఫోటోగ్రాఫర్ వైరల్ భయానీ షేర్ చేశారు.
ఏదైనా ఖరారు అయితే, ముందుగా మీకు తెలియజేస్తాను. ఏదైనా సంబరాలు చేసుకుంటే స్వీట్లు పంచుతాను అని అదా శర్మ వీడియో ద్వారా పంచుకున్నారు. ప్రస్తుతం ఈ వీడియో సోషల్ మీడియాలో వైరల్ అవుతోంది, ఇక అదా సినిమా విషయాలకొస్తే.. వివాదాస్పదమైన కానీ బాక్సాఫీస్ వద్ద విజయవంతమైన 'ది కేరళ స్టోరీ'లో అదా అద్భుతమైన ప్రదర్శనను కనబర్చింది. దీన్ని చిత్రనిర్మాత విపుల్ షా నిర్మించారు. ఈ ఏడాది 'కమాండో' అనే వెబ్ సిరీస్‌లో కూడా అదా కనిపించింది.
