Kanguva : కంగువలో ఏఐ 8 భాషల్లో సూర్యవాయిస్

స్టార్ హీరో సూర్య నటిస్తున్న సినిమా కంగువపై భారీ అంచనాలున్నాయి. వీఎఫ్ఎక్స్ ఈ ఫ్యాంటసీ యాక్షన్ చిత్రంగా రూపొందింది. డిఫరెంట్ టైమ్లోన్లలో ఈ మూవీ సాగుతుంది. ఇప్పటికే వచ్చిన ట్రైలర్తో హైప్ బాగా పెరిగింది. శివ దర్శకత్వం వహించిన ఈ మూవీ నవంబర్ 14న విడుదల కానుంది. ఇదిలా ఉండగా ఈ సినిమాను 8 భాషల్లో విడుదల చేసేందుకు సిద్దమయ్యారు మేకర్స్. నవంబర్ 14న ప్రపంచవ్యాప్తంగా 3,500 థియేటర్లలో ఈ మూవీ విడుదలవుతుందని తెలిపారు. తమిళంతో పాటు తెలుగు, హిందీ, మలయాళం, కన్నడ, ఇంగ్లిష్, ఫ్రెండ్, స్పానిష్ వస్తుందని నిర్మాత జ్ఞానవేల్ వెల్లడించారు. ఈ సినిమాలో సూర్య వాయిస్ కోసం ఏఐ టెక్నాలజీని వినియోగిస్తున్నారు. తమిళం కాకుండా వేరే భాషల్లో సూర్య వాయిస్ కోసం డబ్బింగ్ ఆర్టిస్ట్లను వాడకుండా ఏఐను టెక్నాలజీని వాడుతున్నట్టు తెలిపారు. అడ్వాన్స్ ఏఐ టెక్నాలజీ సాయంతో ప్రతీ భాషలో సూర్య వాయిస్ ను రీక్రియేట్ చేసే పనిలో కంగువ టీమ్ నిమగ్నమైంది. దీంతో డబ్బింగ్ ఆర్టిస్టులతో పని లేకుండా ఇతర భాషల్లో సూర్య వాయిస్ ఏఐ ద్వారా ఉండనుంది. ఇది ఆసక్తికరంగా మారింది. ఈ మూవీలో సూర్యకు జోడీగా దిశా పటానీ నటించారు. విలన్గా బాబీ డియోల్ యాక్ట్ చేశాడు. నటరా జన్ సుబ్రమణియం, కిచ్చా సుదీప్, జగపతి బాబు, రెడిన్ కింగ్ స్లే, యోగిబాబు, కోవై సరళ, చక్రవర్తి, ఆనందారాజా కీలకపాత్రలు పోషించారు. సుమారు రూ.300కోట్ల బడ్జెట్ తో ఈ మూవీ రూపొందిందని అంచనా.