Nandamuri Balakrishna : అఖండ 2 టికెట్ ధర లక్ష రూపాయలట
నందమూరి బాలకృష్ణ హీరోగా నటించిన మూవీ అఖండ 2. ఈ నెల 5న విడుదల కాబోతోన్న ఈ మూవీపై ఫ్యాన్స్ లో భారీ అంచనాలున్నాయి. ఆ అంచనాలు ఏ రేంజ్ లో ఉన్నాయి అంటే బాలయ్య మూవీ టికెట్ ధర లక్ష రూపాయలు అని చెప్పేంత వరకు. యస్.. బాలయ్య అఖండ 2 కు అంత మొత్తం కొనేశారు. మామూలుగా ఇలాంటి మూవీస్ పై భారీ అంచనాలుంటాయి కదా. ఆ అంచనాలకు తగ్గట్టుగా అభిమానుల వేలం పాట మొదలు పెట్టారు. ఆ వేలంలో బాలయ్య అభిమాని రాజశేఖర్ పార్ణపల్లి లక్షరూపాయల(1000 యూరోలు) టికెట్ ధరకు చెల్లించడం విశేషం. కాకపోతే ఇది ఇండియాలో కాదు. జర్మనీ దేశంలో జరగింది ఈ వేలం పాట వ్యవహారం.
ఈ మేరకు రాజశేఖర్ పార్ణపల్లి మాట్లాడుతూ ‘నేను అనంతపురం వచ్చాను. చిన్నప్పటి నుంచి బాలయ్య పైనే నాకు విపరీతమైన అభిమానం ఉంది. ఇండియాలో లాగా జర్మనీలోనూ ప్రమోషన్స్, బ్యానర్స్, టికెట్ రేట్స్ లను ప్రజల్లోకి తీసుకు వెళుతున్నాం. ఇందుకోసం తారకరామ ఎంటర్టైన్మెంట్స్ బ్యానర్ అండగా ఉండటం సంతోషం. అఖండ తాండవం ఎలా ఉండబోతోందో అనేది మొత్తం అభిమానుల్లో చూడాలనుకోవడం ఆసక్తిగా ఉంది’ అన్నారు.
ఇప్పటి వరకు జర్మనీలో వేరే సీనియర్ హీరోలకు సంబంధించి ఈ మొత్తంలో డబ్బు పెట్టి వేలం పాటలో టికెట్ కొనడం కొత్తగా ఉంది. ఇదో కొత్త ట్రెండ్ గా కూడా మారింది. మరి ఈ మొత్తంతో కలిసి అభిమాని డబ్బులు కొనడం కూడా సంతోషంగా ఉందని నిర్వాహకులు చెబుతున్నారు.
ఈ ఫ్యాన్ టికెట్స్ తర్వాతి రోజుల్లో మ్యూనిక్, స్టుట్గార్ట్, డ్యుసెల్డార్ఫ్, న్యూరెంబర్గ్ నగరాల్లో కూడా అత్యంత భారీ ధర చెల్లించి కొన్న అభిమానులను ఇలాగే వెల్లడించబోతున్నామని సుమంత్ కొరపాటి తెలిపారు.