Bangarraju : వాసివాడి తస్సాదియ్యా.. ఓటీటీలో 'బంగార్రాజు' రికార్డులు..!

Bangarraju : అక్కినేని నాగార్జున, నాగచైతన్య హీరోలుగా తెరకెక్కిన మల్టీస్టారర్‌ మూవీ 'బంగార్రాజు'... 2016లో రిలీజైన 'సోగ్గాడే చిన్నినాయన' సినిమాకి ఇది రీమేక్.. కృతిశెట్టి, రమ్యకృష్ణ హీరోయిన్ లుగా నటించిన ఈ సినిమాకి కళ్యాణ్ కృష్ణ దర్శకత్వం వహించారు. జీ స్టూడియోస్, అన్నపూర్ణ స్టూడియో కలిసి సంయుక్తంగా నిర్మించాయి. ఈ ఏడాది సంక్రాంతికి రిలీజైన ఈ మూవీ బాక్సాఫీస్ వద్ద మంచి విజయాన్ని అందుకుంది. ఫిబ్రవరి 18 నుంచి ''జీ 5' లో స్ట్రీమింగ్‌ అవుతున్న ఈ సినిమా ఓటీటీ ప్రేక్షకులను కూడా వీపరితంగా ఆకట్టుకుంటుంది.

విడుదలైన 7 రోజుల్లోనే 500 మిలియన్ స్ట్రీమింగ్ నిమిషాలతో సక్సెస్ ఫుల్‌గా దూసుకుతోంది. ఓటీటీ ప్లాట్‌ఫామ్‌లోనే సరికొత్త రికార్డ్ అని చెప్పాలి. ఈ సందర్భంగా నాగార్జున మాట్లాడుతూ.. కరోనా టైంలో రిలీజ్ చేస్తే నష్టపోతావ్ అని చాలా మంది శ్రేయోభిలాషులు సలహా ఇచ్చారని, అయితే సంక్రాంతి సెంటిమెంట్ తో ఈ సినిమాని రిలీజ్ చేశామని చెప్పుకొచ్చారు నాగ్.. అయితే ఊహించిన దానికన్నా ఎక్కువ రెస్పాన్స్‌ రావడం, సినిమా బ్లాక్ బస్టర్ అవ్వడం సంతోషంగా ఉందని అన్నారు. బంగార్రాజును ఆదరించిన, ఆదరిస్తున్న ప్రేక్షకులందరికీ మా టీం తరుపున కృతజ్ఞతలని తెలిపారు నాగ్.