Bangarraju Collections : అదరగొట్టిన బంగార్రాజు.. ఫస్ట్ డే కలెక్షన్స్ సూపర్..!

Bangarraju Collections : అక్కినేని హీరోలు నాగార్జున, నాగచైతన్య కలిసి నటించిన లేటెస్ట్ మల్టీస్టారర్ మూవీ బంగార్రాజు.. సోగ్గాడే చిన్నినాయనాకి సీక్వెల్ గా ఈ చిత్రం రూపొందింది. సంక్రాంతి కానుకగా ఈ చిత్రం నిన్న(శుక్రవారం) ప్రేక్షకుల ముందుకు వచ్చింది. నాగ్‌ సరసన రమ్యకృష్ణ నటించగా.. చైతూకు జోడీగా కృతిశెట్టి కనిపించింది.

కళ్యాణ్ కృష్ణ దర్శకత్వంలో తెరకెక్కిన ఈ చిత్రాన్ని అన్నపూర్ణ స్టూడియో, జీ స్టూడియో సంస్థలు కలిసి సంయుక్తంగా నిర్మించాయి. అనుబ్ రూబెస్స్ సంగీతం అందించారు. ప్రపంచవ్యాప్తంగా 1200 స్క్రీన్లలో విడుదలైన బంగార్రాజుకి మొదటి ఆట నుంచి పాజిటివ్‌ టాక్ రావడంతో వసూళ్ళ పరంగా దూసుకుపోతోంది.

తొలి రోజున ఓవర్సీస్‌లో ఈ సినిమాకి మోస్తారు వసూళ్లు కనిపించాయి. ప్రీమియర్ల ద్వారా 40k డాలర్లు వసూలు చేయగా, తెలుగు రాష్ట్రాల్లో 8 కోట్ల రూపాయలు కొల్లగోట్టినట్టుగా ట్రేడ్ వర్గాలు వెల్లడిస్తున్నాయి. పండగ సీజన్ కావడం, సినిమాకి మంచి టాక్ రావడంతో కలెక్షన్లు పెరిగే అవకాశం ఉందని అంటున్నారు సినీ విశ్లేషకులు.

కాగా రిలీజ్ కి ముందు ఈ చిత్రం 39 కోట్ల రూపాయల ప్రీ రిలీజ్ బిజినెస్ జరుపుకుంది.