Animal: సందీప్ రెడ్డి వంగా ఫస్ట్ ఛాయిస్ రణబీర్ కాదు.. మరెవరంటే..
బాలీవుడ్ నటుడు రణబీర్ కపూర్, నేషనల్ క్రష్ రష్మిక మదన్న ప్రధాన పాత్రలలో సందీప్ రెడ్డి వంగా రాబోయే చిత్రం 'యానిమల్' డిసెంబర్ 1న విడుదల కానుంది. అయితే ఇది విడుదలకు ముందే హైప్ క్రియేట్ చేసింది. అగ్ర దర్శకుల నుండి నటుల వరకు, చాలా మంది సెలబ్రిటీలు రణబీర్ కపూర్ నటనా నైపుణ్యాన్ని మెచ్చుకున్నారు. ఎందుకంటే అతను చిత్రంలో పూర్తిగా భిన్నమైన అవతార్‌లో కనిపిస్తున్నాడు. అయితే రణబీర్ కపూర్, ఇతర టీమ్ సభ్యులు ఇటీవల హైదరాబాద్‌లో ప్రమోషనల్ ఈవెంట్‌ను నిర్వహించారు. ఈ కార్యక్రమానికి SS రాజమౌళి, మహేష్ బాబు తదితరులు హాజరయ్యారు. ఈ నేపథ్యంలో 2019లో మహేష్ బాబుకు యానిమల్ ఆఫర్ వచ్చిందన్న వార్త ఇప్పుడు సోషల్ మీడియాలో తెగ వైరల్ అవుతోంది.
అందరూ అనుకుంటున్నట్టుగానే సందీప్ రెడ్డి వంగా రణబీర్ కు ముందు మహేష్ బాబుకు ఈ చిత్రాన్ని ఆఫర్ చేశాడు. ఆ సమయంలో దానికి 'డెవిల్' అని పేరు పెట్టినట్లు పలు నివేదికలు పేర్కొన్నాయి. స్క్రిప్ట్ తనకు, అతని ప్రేక్షకులకు సంబంధం లేదని మహేష్ బాబు చెప్పారని నివేదికలు తెలిపాయి. తన అభిరుచికి తగ్గ సబ్జెక్ట్ చాలా తక్కువ ఉందని, స్క్రిప్ట్‌ని మార్చమని సందీప్‌తో మహేష్ చెప్పాడని సమాచారం. కానీ, సందీప్ అలా చేయకుండా రణబీర్ కపూర్‌ని ప్రధాన పాత్రగా సంతకం చేశాడు.
హైదరాబాద్‌లో జరిగిన ఒక ప్రచార కార్యక్రమంలో మహేష్ బాబు.. రణబీర్ కపూర్ నటనా నైపుణ్యాలను ప్రశంసించారు. రణబీర్ తన అభిమాన నటుడు అని అన్నారు. తెలుగు నటుడు మహేష్ బాబు.. రణబీర్‌ను 'భారతదేశంలో ఉత్తమ నటుడు' అని కూడా పేర్కొన్నాడు. ఇదిలా ఉండగా 'యానిమల్' ఫిల్మ్‌లో రణబీర్ కపూర్, రష్మిక మందన్న, అనిల్ కపూర్, బాబీ డియోల్ తదితరులు నటించారు. ఈ మూవీ డిసెంబర్ 1న పలు భాషల్లో రిలీజ్ కానుంది.