'Animal' Teaser: హై-ఆక్టేన్ స్టంట్స్ తో అదరగొట్టిన రణబీర్
రణబీర్ కపూర్ 'యానిమల్' టీజర్ ఎట్టకేలకు విడుదలైంది. ఆయన రాబోయే చిత్రం కోసం ప్రేక్షకులు చాలా ఎదురుచూస్తుండగా.. తాజాగా టీజర్‌తో మేకర్స్ అభిమానులను ఆశ్చర్యపరిచారు. దీంతో రణబీర్ పుట్టినరోజు వేడుకలు రెట్టింపు అయ్యాయి. సందీప్ రెడ్డి వంగా దర్శకత్వం వహించిన ఈ చిత్రంలో అనిల్ కపూర్, బాబీ డియోల్, రష్మిక మందన్న కీలక పాత్రలు పోషించారు.
'యానిమల్' టీజర్ అవుట్
రణబీర్ కపూర్ పుట్టినరోజున 'యానిమల్' టీజర్‌ని విడుదల చేయడం ప్రేక్షకులకు ఎంతో ఉత్సాహాన్ని, సంతోషాన్నిస్తోంది. రెండు నిమిషాల, 26-సెకన్ల ఈ క్లిప్‌లో రణబీర్ కపూర్ చేసిన హై-ఆక్టేన్ స్టంట్స్, అద్భుతమైన డైలాగ్‌లు, నటనతో నిండిన పవర్-ప్యాక్డ్ గా కనిపించాడు. అతను హోమ్లీ బాయ్ నుండి తిరుగుబాటుదారుడిగా మారడం అభిమానులకు ఆసక్తిని కలిగిస్తుంది. రణబీర్ మొదటి సారి మాస్ రోల్ చేస్తున్నాడు. కొన్నిసన్నివేశాలు రణబీర్.. ఈ సినిమా కోసం ఎంత కష్టపడ్డాయో స్పష్టంగా తెలియజేస్తాయి.
రణబీర్ తండ్రిగా అనిల్ కపూర్ గతంలో చేసిన పాత్రకు భిన్నంగా, ప్రత్యేకంగా ఉంటుంది. టీజర్ మొత్తం పూర్తి ఎంటర్టైన్మెంట్ ప్యాకేజీగా అనిపిస్తుంది. అర్జున్ రెడ్డి తర్వాత, దర్శకుడు సందీప్ నుండి అభిమానులు మరో హిట్ ఆశించవచ్చు. బాబీ డియోల్ విలన్‌గా కనిపించడం చాలా ఆసక్తికరంగా ఉంటుంది, ఎందుకంటే అతను కూడా తన పాత్ర కోసం ట్రాన్స్ఫర్మేషన్ చెందాడు.
'యానిమల్' గురించి..
గతంలో 'యానిమల్' చిత్రాన్ని సెప్టెంబర్‌లో థియేటర్లలో విడుదల చేయాలనుకున్నారు. 'జవాన్‌' విడుదలతో ఈ మూవీని వాయిదా వేశారు. ఇప్పుడు ఈ మూవీని డిసెంబర్ 1న విడుదల చేయనున్నట్టు మేకర్స్ వెల్లడించారు. సందీప్ రెడ్డి వంగా దర్శకత్వం వహిస్తోన్న ఈ చిత్రంలో రణబీర్ కపూర్ పూర్తి స్థాయి మాస్ పాత్రలో కనిపించనున్నారు. ఇందులో అనిల్ కపూర్, రష్మిక మందన, బాబీ డియోల్, ట్రిప్తి డిమ్రీ కూడా కీలక పాత్రల్లో నటిస్తున్నారు.