Video Viral: కాలేజీ స్టూడెంట్ అనుచిత ప్రవర్తన.. అపర్ణా బాలమురళికి చేదు అనుభవం
Video Viral: సూర్య, అపర్ణ బాలమురళి నటించిన సూరరై పొట్రు సినిమా సూపర్ సక్సెస్ అయింది. ఆ సినిమాలో అపర్ణ నటన ప్రేక్షకుల నీరాజనాలు అందుకుంది. తాజాగా ఆమె నటించిన తంకం సినిమా ప్రమోషన్‌లో భాగంగా చిత్ర బృందం ఓ కాలేజీకి వెళ్లింది. అక్కడ ఓ విద్యార్ధి అనుచిత ప్రవర్తనతో అపర్ణ కంగుతింది.
కార్యక్రమంలో లా కాలేజీకి చెందిన విద్యార్థిని అపర్ణ బాలమురళికి స్వాగతం పలికేందుకు వేదికపైకి పిలిచారు. అతడు స్టేజ్ మీదకు వచ్చి అపర్ణ చేతికి పువ్వు అందించాడు. అంతటితో ఊరుకోకుండా చేయందించి ఆమె నిలబడేలా చేశాడు.. అనంతరం భుజం మీద చెయ్యి వేసి ఫోటోలకు ఫోజులివ్వాలనుకున్నాడు.. కానీ అపర్ణ అతడి ఆలోచనను గ్రహించి సున్నితంగా తిరస్కరించింది. విద్యార్థి యొక్క అనుచిత ప్రవర్తన పట్ల అపర్ణ అసంతృప్తికి గురైంది.
సోషల్ మీడియాలో నటికి అభిమానులు మద్దతు ఇస్తున్నారు. విద్యార్థి తర్వాత ఆమెకు క్షమాపణలు చెప్పాడు. అయితే కళాశాల అధికారులు వేదికపై విద్యార్ధి ప్రవర్తించిన తీరును ఖండించలేదు. ఈ వీడియో ఇప్పుడు సోషల్ మీడియాలో వైరల్‌గా మారింది.
సోషల్ మీడియాలో చాలా మంది నెటిజన్లు విద్యార్థిని మరియు కళాశాలను ఖండించారు. ట్విట్టర్‌లో ఒక వినియోగదారు ఇలా వ్రాశాడు, "సంస్కారహీనమైన విద్యార్థులు. ఇక్కడ సారీ చెప్పడం పరిష్కారం కాదు, జీవితంలో క్రమశిక్షణ ఉండాలి."
తంకం గురించి
ఈ చిత్రం దంగల్, అగ్లీ ఫేమ్ గిరీష్ కులకర్ణి దర్శకత్వంలో వస్తున్న చిత్రం. కొద్దిరోజుల క్రితం ట్రైలర్ విడుదలై ప్రేక్షకుల నుండి ప్రశంసలు అందుకుంది. మహమ్మారి మరియు లాక్‌డౌన్ల కారణంగా ప్రాజెక్ట్ చాలాసార్లు ఆలస్యం అయింది.
A college student misbehaved with actress Aparna Balamurali during the promotion function of Thangam movie. @Vineeth_Sree I'm surprised about your silence 🙏 What the hell #Thankam film crew doing there.
— Mollywood Exclusive (@Mollywoodfilms) January 18, 2023
@Aparnabala2 #AparnaBalamurali pic.twitter.com/icGvn4wVS8
