ఒక తల్లిగా విజ్ఞప్తి.. దయచేసి ఈ వివాదంలోకి మమ్మల్ని లాగకండి: రేణూదేశాయ్
పవర్‌స్టార్ పవన్ కళ్యాణ్ 'BRO' సినిమా చుట్టూ ఉన్న వివాదం దాదాపుగా సద్దుమణిగింది, అయితే వైసీపీకి చెందిన అంబటి రాంబాబు ఇప్పటికీ ఆ చిత్రంలోని పాత్ర శ్యాంబాబు నుండి ప్రేరణ పొందిందా లేదా అని తెలుసుకోవాలని పట్టుదలగా ఉన్నారు. అలాగే పవన్ కళ్యాణ్ వ్యక్తిగత జీవితంపై వెబ్ సిరీస్ తీయాలని అంబటి ఆశిస్తున్నారు.
ఈ వివాదంపై స్పందించిన పవన్ కళ్యాణ్ మాజీ భార్య రేణు దేశాయ్ ఇలాంటి వెబ్ సిరీస్ లను మానుకోవాలని కోరింది. రేణు ఇన్‌స్టాగ్రామ్‌లో ఓ వీడియో పోస్ట్ చేసింది. "నా మాజీ భర్తతో ఏకీభవించని లేదా కొన్ని సమస్యలు ఉన్న కొందరు వ్యక్తులు అతని భార్యలు మరియు నలుగురు పిల్లలతో సహా అతని వ్యక్తిగత జీవితానికి సంబంధించిన వెబ్-సిరీస్ లేదా సినిమా చేయబోతున్నారని తెలిసింది''.
“ఈ వీడియో ఒక తల్లిగా వ్యక్తిగత విజ్ఞప్తి.. రాజకీయ పరిస్థితులు ఏమైనప్పటికీ, దయచేసి పిల్లలను ఇందులోకి లాగవద్దు. సినిమా కుటుంబంలో పుట్టిన పిల్లలు వీళ్లు. వారి తండ్రి నటుడు మరియు రాజకీయవేత్త. పిల్లలకు రాజకీయాలతో సంబంధం లేదు అని రేణు అన్నారు.
“అవును నాకు ఏది జరిగినా అది తప్పే కానీ పవన్ కళ్యాణ్ డబ్బు గురించి ఆలోచించే వ్యక్తి కాదు. నేను అతని రాజకీయ ప్రయత్నాలకు ఎల్లప్పుడూ మద్దతు ఇస్తాను. అతను విజయవంతమైన నటుడు మరియు అతను సినిమాలు చేస్తూనే ఉండవచ్చు. కానీ అతను సమాజానికి ఏదైనా మంచి చేయాలని తాపత్రయ పడే వ్యక్తి. అందుకోసం తన వ్యక్తిగత జీవితాన్ని, కుటుంబాన్ని కూడా పక్కన పెట్టారు. నా పిల్లలనే కాదు, ఎవరి పిల్లలను, ఆడవాళ్లను కూడా రాజకీయాల్లోకి లాగొద్దు. ఏదైనా ఉంటే మీరూ మీరూ చూసుకోండి అని రేణూ వీడియో చేసి సోషల్ మీడియాలో పోస్ట్ చేశారు.