Tollywood: ప్రేక్షకులను ఆద్యాంతం నవ్వించే ‘భాగే సాలే’

శ్రీసింహా కోడూరి హీరోగా నటిస్తున్న కొత్త సినిమా భాగ్ సాలే. నేహా సోలంకి నాయికగా నటించింది. ప్రణీత్ బ్రాహ్మాండపల్లి దర్శకత్వంలో క్రైమ్ కామెడీ గా తెరకెక్కింది. ఈ చిత్రాన్ని వేదాన్ష్ క్రియేటివ్ వర్క్స్ నిర్మాతగా.. బిగ్ బెన్, సినీ వ్యాలీ మూవీస్ అసోసియేషన్ తో అర్జున్ దాస్యన్, యష్ రంగినేని, కళ్యాణ్ సింగనమల నిర్మించారు. జూలై 7న భాగ్ సాలే రిలీజ్‌కు రెడీ అవుతోంది. ఈ క్రమంలో నిర్మాత అర్జున్.. మీడియాతో ముచ్చటించారు.

భాగ్‌ సాలే చిత్రాన్ని సురేష్ డిస్టిబ్యూషన్ విడుదల చేస్తుందన్నారు. క్రైమ్ కామెడీ అద్భుతంగా వచ్చిందని అన్నారు. ప్రేక్షకులకు తప్పకుండా నచ్చుతుందని ధీమా వ్యక్తం చేశారు. ఇప్పటివరకు క్రైమ్ కామెడీని చాలా తక్కువగా టచ్ చేసినట్లు అన్నారు. ప్రణీత్ కథ చెప్పినప్పుడు చాలా బాగా అనిపించిందని చెప్పారు. కానీ భయం కూడా వేసిందని... ఆయన చెప్పింది తీయగలుగుతాడా లేదా అని కూడా అనిపించిందన్నారు. మొదటి కాపీ చూసిన తరువాత నేను అనుకున్న దానికంటే పది రెట్లు ఎక్కువగా తీశాడని అన్నారు. సినిమాలో క్రైమ్, కామెడీ రెండు సమానంగా ఉంటాయన్నారు.