విడుదలకు రెడీగా 'బాగ్ సాలే'..!

'బాగ్ సాలే' చిత్రం రిలీజ్ కు సిద్దంగా ఉంది. ఈ సినిమాలో శ్రీ సింహ కోడూరి హీరోగా నటించారు. యంగ్ హీరోల్లో తనకంటూ పేరుసంపాదించుకుంటున్న శ్రీ సింహ ఇప్పుడు క్రైమ్ కామెడీ జానర్ లో 'బాగ్ సాలే'లో నటించారు. ఈ చిత్రానికి ప్రణీత్ బ్రహ్మాండపల్లి దర్శకత్వం వహించారు. ఇప్పటికే రెండు పాటలను చిత్ర యునిట్ రిలీజ్ చేయగా ప్రేక్షకులను అలరించాయి. భారీ అంచనాలతో జూలై 7న థియేటర్స్ లో సినిమా విడుదల కానుంది. ఈ చిత్రాన్ని వేదాన్ష్ క్రియేటివ్ వర్క్స్ బ్యానర్ పై బిగ్ బెన్, సినీ వ్యాలీ మూవీస్ వారి అసోసియేషన్ తో అర్జున్ దాస్యన్, యష్ రంగినేని, కళ్యాణ్ సింగనమల నిర్మిస్తున్నారు.

అనుకున్నది సాధించాలనుకునే ఒక యువకుడి పాత్ర చుట్టూ కథ తిరుగుతుందని చెప్పారు దర్శకుడు ప్రణీత్. కథ ఆద్యంతం థ్రిల్లింగ్ గా ఉంటుందన్నారు. ఈ సినిమాలో నేహా సోలంకీ, రాజీవ్ కనకాల, వైవా హర్ష, సత్య, సుదర్శన్, వర్షిణి తదితరులు నటించారు. ఇప్పటికే ఈ సినిమా నుంచి విడుదలైన రెండు పాటలు ప్రేక్షకులను బాగా ఆకట్టుకున్నాయి. ఈ సినిమాకు సంగీతాన్ని కాల భైరవ అందిస్తుండగా, ఎడిటింగ్ కార్తీక ఆర్ శ్రీనివాస్, సినిమాటోగ్రఫీ రమేష్ కుషేందర్ చేస్తున్నారు.

చిత్రీకరణ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులను వేగంగా జరుపుకొంటోంది. అర్జున్ దాస్యన్, యష్ రంగినేని, కళ్యాణ్ సింగనమలలు చిత్రాన్ని నిర్మించగా, ప్రణీత్ బ్రహ్మాండపల్లి కథ, స్క్రీన్ ప్లే, దర్శకత్వాన్ని సమకూర్చారు.