Ravi Teja : భక్తిబాట పట్టిన బర్త్ డే బాయ్ రవితేజ

మాస్ మహరాజ్ రవితేజ నుంచి వరుసగా మూవీస్ వస్తున్నాయి. రిజల్ట్ తో పనిలేకుండా అతను సినిమాలు రిలీజ్ చేస్తున్నాడు. ఫైనల్ గా తన ఇమేజ్ ను దాటి భర్తలకు మహాశయులకు విజ్ఞప్తి అనే మూవీతో సంక్రాంతి మరిలో సత్తా చాటాడు. ఈ మూవీతో విజయాన్ని అందుకున్నాడు. దీంతో పాటు అతను గతంలోనే మొదలు పెట్టిన మరో మూవీ ఉంది. శివ నిర్వాణ దర్శకత్వంలో మూవీ మొదలైంది. ఈ కాంబినేషన్ పై కూడా చాలా ఇంట్రెస్టింగ్ గా మాట్లాడుకున్నారు. ఇక తాజాగా ఈ మూవీ టైటిల్ కూడా అనౌన్స్ చేశారు. ఇవాళ మాస్ రాజా బర్త్ డే స్పెషల్ గా ఈ మూవీ టైటిల్ ను ప్రకటించారు. రవితేజ బర్త్ డేను ఈ టైటిల్ తోనే సెలబ్రేట్ చేశారు అని చెప్పాలి.

‘ఇరుముడి’అనే టైటిల్ తో రాబోతోంది ఈ మూవీ. రవితేజ లాంటి హీరో నుంచి ఈ టైప్ లో టైటిల్ ఎవరూ ఎక్స్ పెక్ట్ చేయలేదు. అతని ఇమేజ్ కు అసలు సంబంధం లేని టైటిల్ ఇది. ఇక శివ నిర్వాణ నుంచి కూడా ఈ తరహా సినిమాను ఊహించలేదు. అసలు ఇరుముడి అనే టైటిల్ నే ఎవరూ ఎక్స్ పెక్ట్ చేయలేదు. ఈ కాంబినేషన్ లో డిఫరెంట్ మూవీ వస్తుందని మాత్రం చెప్పారు. మరి ఈ తరహా వైవిధ్యమైన సినిమా అనేది ఊహించలేదు. మైత్రీ మూవీ మేకర్స్ నిర్మిస్తోన్న చిత్రం ఇది. ఈ సమ్మర్ లోనే సినిమా విడుదల కాబతోంది. ఈ మేరకు రవితేజ నుంచి ప్లానింగ్ కూడా ఉందని టాక్. ఈ రేంజ్ లో చాలా వేగంగా సినిమాలు నిర్మించడం మాత్రం మాస్ రాజాకే సాధ్యం అవుతుంది. మొత్తంగా ఈ మూవీలో హీరోయిన్ ఎవరు అనేది చెప్పలేదు. కానీ ఇరుముడి అనే టైటిల్ కు తగ్గట్టుగా రవితేజ ఆ గెటప్ తోనే ఉన్నాడు. తనతో పాటు ఓ పాప కూడా కనిపిస్తుంది. మరి ఈ మూవీతో ఎలాంటి కంటెంట్ అందివ్వబోతున్నారు అనేది మాత్రం చూడాలి.