Bollywood: సిద్ధార్థ్ కియార్ పెళ్లి వేడుకలు.. 100 మందికి పైగా సెక్యూరిటీ గార్డులు

Bollywood: కియారా అద్వానీ -సిద్ధార్థ్ మల్హోత్రా పెళ్లి వేడుకలు జైసల్మేర్ లోని సూర్యగఢ్ ప్యాలెస్ లో మంగళవారం అందమైన పూల మండపం సెటప్‌లో జరుగుతాయి. సూర్యగఢ్ ప్యాలెస్‌లో హల్దీ, మెహందీ వేడుకలతో వివాహ వేడుకలు ప్రారంభమయ్యాయి. ఎడారి ప్రాంతంలో ఉన్న పెద్ద వేదిక మొత్తం తాజా పూలతో అలంకరించబడి ఉంది.

ఆదివారం రాత్రి, కియారా అద్వానీ చిన్ననాటి స్నేహితురాలు ఇషా అంబానీ కూడా ఒక ప్రైవేట్ విమానంలో వచ్చారు. సూర్యాగఢ్ చుట్టుపక్కల ప్రాంతం అంతా భారీ బందోబస్తు ఏర్పాటు చేశారు. మొబైల్ ఫోన్‌ వేడుక జరిగే ప్రాంగణంలోకి అనుమతి లేదు.

సిద్ధార్థ్, కియారా భద్రతను నిర్వహించే బాధ్యతను మూడు ఏజెన్సీలకు అప్పగించారు. ఒకటి షారుక్ ఖాన్ మాజీ అంగరక్షకుడు యాసీన్ ఖాన్ నడుపుతున్నారు. ఈ ఏజెన్సీకి చెందిన 100 మందికి పైగా గార్డులు హోటల్‌లో మోహరించారు. వివాహానికి హాజరయ్యే దాదాపు 150 మంది అతిధుల భద్రత బాధ్యత వీరిదే.

సిద్ధార్థ్, కియారా సూర్యగఢ్ కాంప్లెక్స్‌లో నిర్మించిన థార్ హవేలీలో బస చేశారు. హవేలీలో రెండు భవనాలు ఉన్నాయి. ప్రతి భవనంలో మూడు గదులు, ఒక ప్రైవేట్ స్విమ్మింగ్ పూల్, భోజనాల గది ఉన్నాయి. ఒకదానిలో కియారా, మరొకదానిలో సిద్ధార్థ్ ఉంటారు.

కియారా మరియు సిద్ధార్థ్ మీడియా కోసం ఫిబ్రవరి 12, 2023న ముంబైలో తమ వివాహ రిసెప్షన్‌ను నిర్వహించనున్నారు. మీడియాను కూడా అతిథులుగా ఆహ్వానించారు.