Bollywood: కొత్త జంట.. జాతకం బావుందంట
Bolywood:బాలీవుడ్ బ్యూటీఫుల్ పెయిర్ సిద్ధార్థ్ మల్హోత్రా, కియారా అద్వానీ.. ఇద్దరూ చిత్ర పరిశ్రమలో ప్రముఖ నటీనటులుగా గుర్తింపు తెచ్చుకున్నారు. ఈ జంట షేర్షా అనే ఒకే ఒక్క చిత్రంలో కలిసి నటించారు. ఆ చిత్రంలో వారి కెమిస్ట్రీ అద్భుతంగా ఉంది. దీంతో దేశవ్యాప్తంగా వీరి పెయిర్ సినీ అభిమానులను ఆకట్టుకుంది. ఆ తరువాత చాలా కాలం పాటు రిలేషన్‌షిప్‌లో ఉన్నప్పటికీ, వారు తమ వ్యక్తిగత జీవితాల గురించి ఎప్పుడూ బయటకు చెప్పలేదు. ఈ వారాంతంలో జైసల్మేర్‌లో వివాహ బంధంలోకి అడుగుపెట్టనున్నారు.
సిద్-కియారా జోడీ అద్భుతంగా ఉందని, జాతకం కూడా బ్రహ్మాండంగా ఉంటుందని జ్యోతిషశాస్త్ర పండితులు సెలవిస్తున్నారు. వీరి వైవాహిక జీవితం సంతృప్తికరంగా ఉంటుందని చెబుతున్నారు. మకర రాశిలో జన్మించిన సిద్ధార్థ్, సింహరాశిలో జన్మించిన కియారా జాతకాలు బాగా కలిశాయి. ఒకరినొకరు అర్థం చేసుకుంటూ ఆదర్శ దంపతులుగా నిలుస్తారు అని చెప్పారు.
సిద్ధార్థ్, కియారా వివాహం ఫిబ్రవరి మొదటి వారంలో జరగనుంది. జ్యోతిష్య శాస్త్ర రీత్యా ఇది పెళ్లికి మంచి సమయంగా పరిగణించబడుతుంది. అయితే, వివాహానంతరం, శుక్రుడు వారి వ్యక్తిగత జీవితంలో కొన్ని ఆటంకాలు కలిగించవచ్చు. దీనిని నివారించడానికి, ఇద్దరూ ఒకరితో ఒకరు నిజాయితీగా సంభాషించుకొని, సమస్యలను పరిష్కరించుకోవాలని అన్నారు.
ఒకరి అభిప్రాయాలను ఒకరు వ్యక్తీకరించడం, అర్థం చేసుకోవడం ద్వారా, తలెత్తే అడ్డంకులను అధిగమించగలరు. దాంతో సామరస్యపూర్వకమైన ప్రేమపూర్వక సంబంధాన్ని కొనసాగించగలరు అని జ్యోతీష్యులు తెలిపారు.
వివాహానంతరం సిద్ధార్థ్, కియారా కెరీర్ కూడా ఊపందుకుంటుంది. సిద్ధార్థ్ నటుడిగా మరో మెట్టు పైకి ఎక్కుతాడు. వైవిధ్యభరితమైన పాత్రలను ఎంచుకుంటూ ముందుకు సాగుతాడు. అయితే వచ్చే ఐదేళ్లు అతనికి కీలకం కానున్నాయి అని అన్నారు.
కియారాకు గ్రహాలు, నక్షత్రాలు అద్భుతంగా మద్దతునిస్తున్నాయి. ఇవి వ్యక్తిగత, వృత్తిపరమైన అంశాలలో ఆమెకు సహాయపడతాయి. తక్కువ సమయంలో బాలీవుడ్‌లో పేరు తెచ్చుకుంది. పరిశ్రమలో అత్యంత డిమాండ్ ఉన్న నటీమణులలో ఒకరిగా స్థిరపడింది. ఆమె నటనా నైపుణ్యం ప్రేక్షకులను అలరించింది. వివాహానంతరం తన కెరీర్ కూడా దూసుకుపోతుందని జ్యోతీష్యులు చెబుతున్నారు.
