Jani Master : జానీ మాస్టర్ నేరం అంగీకరించాడన్న పోలీసులు.. పోలీసులు తేల్చిన సంచలన అంశాలివే!
ఫిలిం కొరియోగ్రాఫర్ జానీ మాస్టర్ కు అక్టోబర్ 3 వరకు రిమాండ్ విధిస్తూ ఉప్పర్పల్లి కోర్ట్ తీర్పునిచ్చింది. మొత్తం 14 రోజులు రిమాండ్ విధిస్తున్నట్టు న్యాయస్థానం వెల్లడిరచింది. తన వద్ద అసిస్టెంట్ కొరియోగ్రాఫర్ గా పనిచేస్తున్న 21 ఏళ్ల యువతిపై జానీ మాస్టర్ అత్యాచారం కేసులో కీలక పరిణామం చోటుచేసుకుంది. అతని రిమాండ్ రిపోర్టులో అత్యాచారం చేసినట్లు ఒప్పుకున్నాడని తెలుస్తోంది. కోర్టు ఆదేశాలతో పోలీసులు ఆయనను చెంచలగూడ జైలుకు తరలించనున్నారని తెలుస్తోంది.
జానీ మాస్టర్ పై పోక్సో యాక్ట్ కింద కేసు నమోదవడంతో రంగారెడ్డి జిల్లా కోర్టులో ఆయన తరపు న్యాయవాది బెయిల్ పిటిషన్ వేయనున్నారని సమాచారం. జానీ మాస్టర్ పై నమోదైన అత్యాచారం కేసులో దర్యాప్తు వేగం పుంజుకుంది. శుక్రవారం ఉదయం పోలీసులు ఆయనకు వైద్య పరీక్షలు నిర్వహించారు. జాయ్ హాస్పిటల్లో వైద్య పరీక్షలు చేపించారు. అనంతరం ఆయనను రాజేంద్ర నగర్ సీసీఎస్ కు తరలించారు. అక్కడి నుంచి ఉప్పర్పల్లి కోర్టుకు తీసుకెళ్లి జడ్జి ముందు ప్రవేశపెట్టారు. గురువారం గోవాలో ఆరెస్ట్ చేసి హైదరాబాద్ తరలించారు. జానీని ప్రశ్నించేందుకు సమయం దొరక్క పోవడంతో పోలీసులు కస్టడీకి కోరే అవకాశాలు ఉన్నట్టు తెలుస్తోంది.
తన వద్ద అసిస్టెంట్ కొరియోగ్రాఫర్ గా పనిచేసిన 21 ఏళ్ల యువతిపై లైంగిక దాడికి పాల్పడ్డట్టు జానీ మాస్టర్ ఆరోపణలు ఎదుర్కొంటు న్నారు. ఈ మేరకు ఆయనపై అత్యాచారం కేసు నమోదయింది. కేసు విషయం తెలుసుకొని ఆయన పరారయ్యారు. బెంగళూరు గుండా గోవా వెళ్లారు. రంగంలోకి దిగిన పోలీసులు గోవాలో ఉన్నట్టు ట్రాక్ చేసి అరెస్ట్ చేశారు. రాజేంద్రనగర్ ఎస్ వోటీ పోలీసులు గోవాలో గురువారం అదుపులోకి తీసుకున్నారు. అనంతరం గోవా స్థానిక కోర్టులో ప్రవేశపెట్టి పీటీ వారెంట్ తీసుకుని.. హైదరాబాద్ తీసుకొచ్చా రు. జానీ మాస్టర్ పై ఈ నెల 15న రాయదుర్గం పోలీస్ స్టేషన్లో లెంగిక వేధింపులకు సంబంధించి జీరో ఎఫ్ఐఆర్ నమోదయింది. అదే రోజున నార్సింగ్ పోలీసులు మరో ఎఫ్ఎస్ఐఆర్ నమోదు చేశారు. అనంతరం బాధితురాలి వాంగ్మూలాన్ని సేకరించారు.