ట్రాఫిక్ నిబంధనలు ఉల్లంఘించిన ధనుష్ కొడుకు.. ఫైన్ వేసిన పోలీసులు
ధనుష్ 17 ఏళ్ల కొడుకు యాత్ర ట్రాఫిక్ నిబంధనలను ఉల్లంఘించినందుకు గాను పోలీసులు అతడికి జరిమానా విధించారు. హెల్మెట్ పెట్టుకోలేదు. దాంతో పాటు లైసెన్స్ కూడా లేకుండా రైడింగ్ చేస్తున్నందుకు పోలీసులు రూ.1000లు ఫైన్ వేశారు. ధనుష్ తనయుడు యాత్ర చెన్నైలో ద్విచక్ర వాహనంపై వెళుతున్న దృశ్యం. అతడి వయస్సు తక్కువ కావడంతో ట్రాఫిక్ నిబంధనలు ఉల్లంఘించినందుకు పోలీసులు జరిమానా విధించారు.
ధనుష్ పెద్ద కుమారుడు యాత్ర పోయెస్ గార్డెన్ ప్రాంతంలో సూపర్ బైక్ నడుపుతూ కనిపించాడు. ఒక శిక్షకుడు అతనికి ద్విచక్ర వాహనం ఎలా నడపాలో నేర్పిస్తున్నాడు. డ్రైవింగ్ లైసెన్స్ లేదంటూ యాత్రకు సంబంధించిన తాజా వీడియో వివాదానికి దారితీసింది. అంతేకాకుండా, అతనికి ఇంకా పద్దెనిమిది సంవత్సరాలు నిండనందున ఇది వెలుగులోకి వచ్చింది. యాత్రకు జరిమానా విధించారు.
ట్రాఫిక్ పోలీసులు యాత్ర తల్లి ఐశ్వర్య రజనీకాంత్‌తో విచారణ చేపట్టారు. ధనుష్ కొడుకు ముఖానికి మాస్క్ ధరించి ఉండటంతో, ఇది నిజంగా యాత్రేనా కాదా అని నిర్ధారించడానికి పోలీసు అధికారులు ఐశ్వర్య రజనీకాంత్‌ను విచారించారు. ట్రాఫిక్ నిబంధనలను ఉల్లంఘించినందుకు, డ్రైవింగ్ లైసెన్స్ లేకుండా బహిరంగంగా బైక్ నడిపినందుకు యాత్రకు రూ.1000 జరిమానా విధించినట్లు పోలీసు అధికారులు విచారణలో తెలిపారు.
ధనుష్, సౌందర్య విడిపోయినప్పటికీ, వారు తమ పిల్లలు యాత్ర, లింగాలకు సహ-తల్లిదండ్రులుగా కొనసాగుతున్నారు. ఈ ఏడాది జూలైలో, ధనుష్ తన ఇద్దరు పిల్లలతో తిరుపతి ఆలయంలో కనిపించారు. శ్రీవారికి తల నీలాలు అర్పించారు. ధనుష్ ప్రస్తుత ప్రాజెక్టుల విషయానికి వస్తే.. పీరియాడికల్ యాక్షన్ డ్రామా కెప్టెన్ మిల్లర్‌లో కనిపించనున్నాడు. రాకీ, సాని కాయిదమ్ చిత్రాలతో గుర్తింపు తెచ్చుకున్న అరుణ్ మాథేశ్వరన్ ఈ చిత్రానికి దర్శకత్వం వహిస్తున్నారు.
