Missamma: 'మిస్సమ్మ'ను మిస్సైన స్టార్ హీరోయిన్.. సావిత్రికి ఫుల్ క్రేజ్..!
టాలీవుడ్‌‌లో ఇప్పటివరకు ఎన్నో సినిమాలు వచ్చాయి. కానీ క్లాసిక్‌‌గా మిగిలినవి మాత్రం కొన్నే ఉన్నాయి అందులో ఒకటి 'మిస్సమ్మ'. ఎల్వీ ప్రసాద్ దర్శకత్వంలో రుపోందిన ఈ చిత్రంలో నందమూరి తారక రామారావు, అక్కినేని నాగేశ్వరరావు కలిసి నటించారు. సావిత్రి, జమున హీరోయిన్లుగా నటించారు. యొతిష్ బెనర్జీ అనే బెంగాలి రచయిత యొక్క "మన్మొయీ గర్ల్స్ స్కూల్" అనే హాస్య రచన ఆధారంగా ఈ సినిమాని తెరకెక్కించారు.
ఈ సినిమాకు పింగళి నాగేంద్రరావు మాటలు, పాటలు అందించగా, సాలూరి రాజేశ్వరరావు సంగీతాన్ని అందించారు. ద్వీభాష(తమిళ్, తెలుగు) చిత్రంగా వచ్చిన ఈ సినిమా ప్రేక్షకులను ఆకట్టుకొని వందరోజులు పూర్తిచేసుకొని విజయడంఖా మోగించింది. అయితే ఈ సినిమాలో (మేరీ / మహాలక్ష్మి) పాత్రకి ముందుగా సావిత్రిని అనుకోలేదు.. ఆమె చేయాల్సింది సీత పాత్ర.. భానుమతిని (మేరీ / మహాలక్ష్మి) పాత్రకి తీసుకున్నారు. ఆమె పై కొన్ని సన్నివేశాలను కూడా తెరకెక్కించారు.
అయితే ఓ రోజు సినిమా షూటింగ్ సమయానికి భానుమతి ఆలస్యంగా వచ్చిందని చక్రపాణి ఆమె ఎదుటనే అంతవరకు తీసిన 4 రీళ్లను తగులబెట్టి ఆమెకి ఇవ్వాల్సిన పారితోషికం ఇచ్చి ఇంటికి పంపారు. (ఆ రోజు ఆమె ఆలస్యంగా రావడానికి ఆ సమయంలో ఆమె చేస్తున్న వరలక్ష్మీ వ్రతాలు కారణం అయింది. )ఆ తర్వాత భానుమతి స్థానంలో సావిత్రిని తీసుకొని సావిత్రి చేయాల్సిన పాత్రకి జమునను తీసుకొని సినిమాను పూర్తి చేశారు చక్రపాణి, ఎల్వీ ప్రసాద్.. ఈ సన్నివేశాన్ని మహానటి చిత్రంలోనూ చూపించారు.
ఈ సినిమా సక్సెస్ అవ్వడంతో సావిత్రికి అభినయనేత్రిగా మంచి పేరు వచ్చింది. ఈ సినిమా తరవాత మళ్ళీ సావిత్రి వెనక్కి తిరిగి చూసుకోలేదు. చిత్రపరిశ్రమలో స్టార్ హీరోయిన్ గా సావిత్రి చెలామణి అయ్యారు.
