Sri Leela : పుష్ప 2 ఐటమ్ సాంగ్ .. శ్రీ లీల రెమ్యూనరేషన్ ఎంతో తెలుసా..?

ఐకన్ స్టార్ అల్లు అర్జున్ మోస్ట్ ప్రిస్టీజియస్ ప్రాజెక్ట్ పుష్ప 2. ఫస్ట్ పార్ట్ పై ఎవరికీ పెద్దగా అంచనాలు లేవు. కాకపోతే అల్లు అర్జున్ సినిమా అనే క్రేజ్ మాత్రం ఆ టైమ్ లో కనిపించింది. పుష్ప తెలుగులో అబౌ యావరేజ్ అనిపించుకున్నా.. నార్త్ లో బాక్సాఫీస్ ను షేక్ చేసింది. ఈ మూవీ మేనరిజంస్, పాటలు ప్రపంచ వ్యాప్తంగా క్రేజ్ తెచ్చుకున్నాయి. దీంతో ఊహించని రేంజ్ లో అల్లు అర్జున్ ప్యాన్ ఇండియా స్టార్ అయిపోయాడు. దాన్ని కంటిన్యూ చేస్తూ ఈ సారి మరింత జాగ్రత్తగా పుష్ప 2తో వస్తున్నాడు. దాదాపు మూడేళ్ల పాటు చిత్రీకరణ జరుపుకున్న ఈ మూవీకి ముందు నుంచీ అందరికీ సవాల్ గా నిలిచిన విషయం ఐటమ్ సాంగ్. ఇంకా చెబితే ఐటమ్ సాంగ్ లో నర్తించే బ్యూటీ ఎవరా అనే క్వశ్చన్ అందర్లోనూ ఉంది.

పుష్ప 2 ఐటమ్ సాంగ్ కోసం చాలామంది హీరోయిన్ల పేర్లు వినిపించాయి. ఎవరూ ఫైనల్ కాలేదు. చివరగా బాలీవుడ్ బ్యూటీ స్త్రీ 2 మూవీతో ఏకంగా 500 కోట్లు కొల్లగొట్టిన శ్రద్ధా కపూర్ ఫైనల్ అనేశారు. బట్ తను 8 కోట్ల రెమ్యూనరేషన్ అడిగిందట. వీళ్లు 3 కోట్ల వరకూ ఓకే అన్నారట. అయినా నో చెప్పింది శ్రద్ధా. దీంతో తెలుగులోనే డ్యాన్స్ లతో దుమ్మురేపుతున్న శ్రీ లీలను తీసుకున్నారు. ప్రస్తుతం ఈ ఐటమ్ సాంగ్ రామోజీ ఫిల్మ్ సిటీలో చిత్రీకరణ జరుపుకుంటోంది. మరి ఈ సాంగ్ కోసం శ్రీ లీలకు ఇస్తోన్న రెమ్యూనరేషన్ ఎంతో తెలుసా..

1.5 కోట్లు. యస్.. అక్షరాలా కోటిన్నర రూపాయలు ఈ పాటకు పారితోషికంగా తీసుకుంటోంది శ్రీ లీల. శ్రీ లీలతో అల్లు అర్జున్ డ్యాన్సులు అనేది చూడ్డానికి కన్నుల పండగలా ఉంటుంది. ఐకన్ స్టార్ అంటే డ్యాన్స్ ల్లో తోపు. ఈ పిల్ల ప్రస్తుతం ఏ హీరోతో చేసినా ఆ హీరోలకు డ్యాన్సుల్లో చెమటలు పుట్టిస్తోంది.అందుకే ఈ కాంబినేషన్ కూడా పర్ఫెక్ట్ గా సెట్ అవుతుందనుకోవచ్చు. ఏదేమైనా ప్రస్తుతం చేతిలో సినిమాలేం లేని శ్రీ లీలకు ఈ రేంజ్ రెమ్యూనరేషన్ అంటే పెద్ద విషయమే అని చెప్పాలి.