Double Ismart Song : నరం నరం చలీజ్వరం.. క్యా లఫ్ డా సాంగ్..

రామ్ పోతినేని, కావ్య థాపర్ జంటగా పూరీ జగన్నాథ్ డైరెక్ట్ చేసిన సినిమా డబుల్ ఇస్మార్ట్. ఆగస్ట్ 15న విడుదల కాబోతోంది. పూరీ కనెక్ట్స్ బ్యానర్ లో అతనితో పాటు ఛార్మీ కూడా నిర్మాణంలో భాగస్వామిగా ఉంది. ఈ మూవీ నుంచి వచ్చిన రెండు పాటలు ఆకట్టుకున్నాయి. ఆ రెండు పాటలతో మ్యూజిక్ డైరెక్టర్ మణిశర్మ తనలో ఇంకా చాలా మేటర్ ఉందని ప్రూవ్ చేసుకున్నాడు. ఇప్పుడు ఈ మూవీ నుంచి మూడో పాట విడుదలైంది. ఈ సాంగ్ ట్యూన్ ఇంట్రెస్టింగ్ గా ఉండటం విశేషం. శ్రీ హర్ష ఈమని రాసిన సాహిత్యం పూరీ జగన్నాథ్ టేస్ట్ ను చూపిస్తుంది. సింపుల్ గానే ఉన్నా లిరిక్స్ ఇంపాక్ట్ గా ఉన్నాయి. మణిశర్మ డిఫరెంట్ కంపోజిషన్ పాటను కొత్తగా ప్రజెంట్ చేసింది. ధనుంజయ్, సింధూజ గాత్రలో కాస్త హస్కీగా ఇంకాస్త విస్కీ కొట్టినట్టుగా పాట మత్తుగా వినిపిస్తోంది. ఇదే ఈ సాంగ్ లో ఉన్న వైవిధ్యంగానూ కనిపిస్తోంది.

పూరీ సినిమాల్లో లవ్ సాంగ్స్ కూడా డిఫరెంట్ గా ఉంటాయి. ఆ కొత్తదనం ఈ పాటలోనూ కనిపిస్తోంది. లవ్ లో పడ్డ కొత్త జంట పాడుకునే పాటలా ఉంది. బట్ ట్యూన్, లిరిక్స్, మేకింగ్ పూర్తిగా పూరీ జగన్నాథ్ స్టైల్లో ఉంది. ఇప్పటి వరకూ వచ్చిన పాటల కంటే ఇది కాస్త స్లో ఉన్నా.. ఎక్కువ సార్లు వినబోయే పాటలా మాత్రం కనిపిస్తోంది. మొత్తంగా క్యా లఫ్ డా అనే మాట వినడానికి కాస్త తేడాగా ఉన్నా.. పూర్తి పాటలో ఆకట్టుకునేలానే ఉంది.

మరి ఇస్మార్ట్ శంకర్ కు సీక్వెల్ గా వస్తోన్న ఈ డబుల్ ఇస్మార్ట్ తో పూరీ అండ్ రామ్ హిట్ కొడతారా అనేది చూడాలి.