Double Ismart : డబుల్ ఇస్మార్ట్ సెన్సార్ టాక్.. మరో సీక్వెల్ ఉందా.
రామ్ పోతినేని, కావ్య థాపర్ జంటగా పూరీ జగన్నాథ్ తెరకెక్కించిన సినిమా డబుల్ ఇస్మార్ట్. ఇస్మార్ట్ శంకర్ మూవీకి సీక్వెల్ గా వస్తోన్న ఈ మూవీని ఈ నెల 15న విడుదల చేయబోతున్నారు. ఇప్పటి వరకు విడుదలైన పాటలు ఆకట్టుకున్నాయి. ట్రైలర్ కు అద్భుతమైన రెస్పాన్స్ వచ్చింది. పూరీ, రామ్ ఖచ్చితంగా హిట్ కొట్టాల్సిన స్థితిలో ఉన్నారిప్పుడు. వారికీ డబుల్ డోస్ ఇచ్చే హిట్ లోడ్ అవుతుందనే టాక్ వచ్చింది. ఈ మధ్య రామ్, పూరీ సినిమాలు బాక్సాఫీస్ దగ్గర సరిగా పర్ఫార్మ్ చేయడం లేదు. దీంతో ఈ మూవీకి బిజినెస్ కష్టం అనుకున్నారు చాలామంది. బట్ రిలీజ్ కు ముందే గ్రాండ్ గా బిజినెస్ కూడా అయింది. సో.. మొత్తంగా ఈ మూవీ టీమ్ చాలా హ్యాపీగా రిలీజ్ కు రెడీ అవుతోంది.
ఇక లేటెస్ట్ గా సెన్సార్ పూర్తి చేసుకుంది డబుల్ ఇస్మార్ట్. ఊహించినట్టుగానే ఈ చిత్రానికి 'ఏ' సర్టిఫికెట్ వచ్చింది. ట్రైలర్ చూసినప్పుడే ఇది ఏ సర్టిఫికెట్ సినిమా అనుకున్నారు. అలాగే ఏ వచ్చింది. సెన్సార్ టీమ్ నుంచి కూడా ఈ చిత్రానికి పాజిటివ్ టాక్ వచ్చినట్టు చెబుతున్నారు. అలాగే మూవీ క్లైమాక్స్ లో ఓ ట్విస్ట్ ఉంటుందట. ఆ ట్విస్ట్ ఎవరూ ఊహించని విధంగా ఉంటుందని టాక్. ఈ ట్విస్ట్ తో మరో పార్ట్ ను సెట్ చేసుకున్నాడు పూరీ అంటున్నారు. అంటే ఇస్మార్ట్ శంకర్ తర్వాత ఇప్పుడు డబుల్ ఇస్మార్ట్.. నెక్ట్స్ మరో త్రిబుల్ ఇస్మార్ట్ లాగా అన్నమాట. మరి ఇదే నిజమైతే తెలుగులో 'పూరీ వర్స్" క్రియేట్ అవుతుందేమో.
