Exclusive Update : నీరజ కోనతో సిద్దు కొత్త మూవీ
సిద్ధు జొన్నలగడ్డ 'టిల్లు స్క్వేర్', 'బొమ్మరిల్లు' భాస్కర్‌తో ఒక సినిమాతో సహా పలు ప్రాజెక్టులతో బిజీగా ఉన్నాడు. ఇప్పుడు, సిద్దు తన జాబితాకు మరొక అద్భుతమైన ప్రాజెక్ట్‌ను జోడించాడు. ఇది పరిశ్రమలో చాలా సంచలనాన్ని సృష్టిస్తోంది. ప్రఖ్యాత నిర్మాణ సంస్థ పీపుల్ మీడియా ఫ్యాక్టరీ తమ తదుపరి వెంచర్, 'అన్ కండీషనల్ లవ్ స్టోరీ'ని అధికారికంగా ప్రకటించింది. విశ్వసనీయ వర్గాల ప్రకారం, సిద్ధు జొన్నలగడ్డ మెయిన్ హీరో అని, ఈ సినిమాకు ప్రముఖ స్టైలిస్ట్ నీరజ కోన దర్శకత్వం వహిస్తారని టాక్.
ఈ చిత్రంలో రాశి ఖన్నా, శ్రీనిధి శెట్టి కథానాయికలుగా కనిపించనుండడం మూవీపై ఆసక్తిని పెంచుతోంది. ఎంతో ఆసక్తిగా ఎదురుచూస్తున్న ఈ చిత్రం ప్రారంభోత్సవ కార్యక్రమం అక్టోబర్ 18, 2023న హైదరాబాద్‌లోని రామా నాయుడు స్టూడియోస్‌లో జరగనుంది. రెగ్యులర్ షూటింగ్ నవంబర్ 15, 2023లో ప్రారంభం కానుంది. థమన్ ఈ సినిమాకు సంగీతం బాధ్యతలు నిర్వహిస్తారు. ఇక యువరాజ్ సినిమాటోగ్రఫీని నిర్వహిస్తారు.
ఇదిలా ఉండగా చిన్న సినిమాగా వచ్చి భారీ హిట్ కొట్టిన 'డీజే టిల్లు'కు సీక్వెల్ గా రాబోతోంది 'టిల్లు స్క్వేర్'. ఈ మూవీలో సిద్దు సరసన అనుపమ పరమేశ్వరన్ నటిస్తోంది. ఇప్పటికే ఈ మూవీ విడుదల ఎప్పుడో ప్రకటించారు.. కానీ ఆ తరువాత ఆ సినిమా గురించి ఎటువంటి అధికారిక సమాచారం లేదు. ఈ సినిమా నుంచి ఒక పాటను కూడా విడుదల చేశారు, అది కూడా వైరల్ అయింది, ఆ తరువాత ఈ సినిమా కొత్త విడుదల తేదీ కానీ, సినిమా షూటింగ్ ఎంతవరకు వచ్చింది అని కానీ, ఎటువంటి సమాచారం లేదు. చాలా సినిమాలు తమ విడుదల తేదీలను ప్రకటించాయి కానీ, టిల్లు స్క్వేర్ మాత్రం ఇంకా సందిగ్ధంలోనే ఉంది.
అయితే పలు నివేదికల ప్రకారం 'టిల్లు స్క్వేర్' మూవీ షూటింగ్ ఆగిపోయింది. కథలో మార్పుల కోసం షూటింగ్ ను కొద్ది రోజులు నిలిపివేసినట్టు తెలుస్తోంది. ర్శకుడు మల్లిక్ రామ్ కి, సిద్ధు జొన్నలగడ్డ కి మధ్య కొన్ని కథాపరమైన భేదాలు ఉన్నాయని, అందుకే షూటింగ్ ఆగిపోయిందని కూడా ప్రచారం సాగుతోంది.
Join us as we unveil an Unconditional Love Story tomorrow at 10:08 AM 🍽️ 💝@peoplemediafcy @vishwaprasadtg @vivekkuchibotla #PMF30 #PeopleMediaFactory30 pic.twitter.com/RdKVjdUIyH
— People Media Factory (@peoplemediafcy) October 15, 2023
