Nani : నాని, అనిరుధ్ రెమ్యూనరేషన్స్.. గ్యాంగ్ లీడర్ టు ప్యారడైజ్..

నేచురల్ స్టార్ నాని మాస్ మంత్రం జపిస్తున్నాడు. మాస్ హీరో అనిపించుకోవాలని శ్యామ్ సింగరాయ్ నుంచి అదే పనిగా ప్రయత్నిస్తున్నాడు. దసరాతో ఊరమాస్ గెటప్ తో మెప్పించాడు. సరిపోదా శనివారంతో సీరియస్ లుక్స్ తో ఆకట్టుకున్నాడు. ఇప్పుడు హిట్ 3, ద ప్యారడైజ్ అనే మూవీస్ తో వస్తున్నాడు. ఈ రెండూ కూడా మాస్ తో పాటు ప్యాన్ ఇండియా ఆడియన్స్ ను టార్గెట్ చేసినవే.

అయితే ఎంచుకున్న ఏ రంగంలో అయినా ఎదగడం ఇంపార్టెంట్. సినిమాల్లో అయితే హిట్స్ కొడుతూ రేంజ్ మార్చుకుంటూ ఇమేజ్ తో పాటు రెమ్యూనరేషన్స్ పెంచుకుంటూ పోతే ఎదుగుతున్నారు అంటారు. అలా చూస్తే ద ప్యారడైజ్ కు మ్యూజిక్ చేస్తోన్న అనిరుధ్ తో పాటు నాని ఈ మూవీకి గతంలో చేసిన నాని గ్యాంగ్ లీడర్ తో పోలిస్తే.. చాలా పెద్ద వేరియేషన్ కనిపిస్తుంది. ముఖ్యంగా వారి రెమ్యూనరేషన్స్ పరంగా.

నాని, అనిరుధ్ కలిసి చేసిన గ్యాంగ్ లీడర్ మూవీ కమర్షియల్ గా పోయింది. ఆ టైమ్ లో వీరి రెమ్యూనరేషన్స్ చూస్తే.. నానికి 8 - 9 కోట్ల మధ్య ఉంది. అటు అనిరుధ్ కు 2.5 - 3 కోట్ల మధ్య ఉంది. ఆ తర్వాత ఇద్దరూ మాస్ మూవీతో తమ రేంజ్ ను మార్చుకున్నారు. అనిరుధ్ అయితే మ్యూజిక్ తోనే వంద కోట్లు అందిస్తున్నాడు అంటే అతిశయోక్తి కాదు. ఇటు నాని కాన్ స్టంట్ గా మెప్పిస్తున్నాడు. అందుకే గ్యాంగ్ లీడర్ తర్వాత చేస్తోన్న ఈ మూవీకి వారి రెమ్యూనరేషన్స్ చూస్తే ఇది కదా ఎదగడం అనిపిస్తుంది.

ద ప్యారడైజ్ చిత్రానికి నాని తీసుకుంటోన్న రెమ్యూనరేషన్ 35 కోట్లకు పైనే అంటున్నారు. అటు అనిరుధ్ ఈ చిత్రానికి 15 కోట్లు డిమాండ్ చేశాడు. నిర్మాతలు ఓకే అన్నారు. మామూలుగా అయితే అనిరుధ్ 12 కోట్ల వరకూ కోట్ చేస్తాడు. ప్యారడైజ్ కు మాత్రం 15 డిమాండ్ చేసి సాధించాడు. అదీ.. గ్యాంగ్ లీడర్ టైమ్ కు ద ప్యారడైజ్ కు మధ్య వీరు సాగించిన విజయ యాత్రే ఈ డిమాండ్స్ కు కారణం అని వేరే చెప్పక్కర్లేదేమో.