హీరోయిజమ్ తెరపైనేనా.. హీరోల పై గాయత్రి రఘురామ్ షాకింగ్ కామెంట్లు

నటి, కొరియోగ్రాఫర్ గాయత్రి రఘురామ్ నటుడు విశాల్ చేతిలో చాలా మంది మహిళలు లైంగిక వేధింపులకు గురయ్యారని ఫిర్యాదు చేశారు.

రియాలిటీ షో బిగ్‌బాస్ తర్వాత తమిళ ప్రజల అభిమానాన్ని సంపాదించిన ఆమె ఇప్పుడు బిజెపిలో చురుకైన పాత్ర పోషిస్తున్నారు. కాగా,. నటుడు విశాల్‌పై ఆమె ఇటీవల తన ట్విట్టర్ పేజీలో లైంగిక ఫిర్యాదు చేసింది.

పిఎస్‌బిబి పాఠశాల సమస్యపై విశాల్ చేసిన ప్రకటన వైరల్ అయిన తరువాత గాయత్రి తన అధికారిక ట్విట్టర్ ఖాతాలో పై విషయాన్ని ప్రస్తావిస్తూ "సినిమా పరిశ్రమలో లైంగిక వేధింపులు ఎక్కువగా ఉంటాయి.

కొత్తగా ఇండస్ట్రీలోకి వచ్చిన అమ్మాయిలు ఈ వాతావరణంలో ఇమడలేక పారిపోతున్నారు.

చలన చిత్ర పరిశ్రమలోని అమ్మాయిలకు మీ సహాయం అవసరమైనప్పుడు మీరు వీరత్వాన్ని చూపించి ఉండాలి. మీలాంటి వాళ్ల వల్ల ఎంతో మంది అమ్మాయిలు మోసపోతున్నారు.

మీరు సినిమాల్లో చూపించే హీరోయిజం పరిశ్రమలో ఇబ్బందులు పడుతున్న అమ్మాయిలను ఆదుకోవడంలో చూపించండి అంటూ విశాల్ ని ట్యాగ్ చేసి గాయత్రి ట్వీట్ చేసింది.

దీంతో ఆమె ట్వీట్ ఇప్పుడు పరిశ్రమలో, తమిళ ప్రజల్లో చర్చనీయాంశంగా మారింది. అయితే దీనిపై విశాల్ నుంచి గానీ ఆయన టీమ్ నుంచి గానీ ఎటువంటి స్పందనా లేదు.