Peddi Movie : హాట్ టాపిక్ గా పెద్ది హాస్పిటల్ సీక్వెన్స్

గ్లోబల్ స్టార్ రామ్ చరణ్ నటించిన మూవీ పెద్దిపై భారీ అంచనాలున్నాయి. ఇప్పటి వరకు టీజర్ రాలేదు. ట్రైలర్ రాలేదు. అయినా ఎక్స్ పెక్టేషన్స్ మాత్రం పీక్స్ లో ఉన్నాయి. కాకపోతే వచ్చిన రెండు గ్లింప్స్, రెండు పాటలు ఈ అంచనాలన్నిటికీ కారణం అంటే అతిశయోక్తి లేదు. బుచ్చిబాబు సనా డైరెక్ట్ చేసిన ఈ మూవీలో జాన్వీ కపూర్ హీరోయిన్. శివరాజ్ కుమార్, జగపతిబాబు కీలక పాత్రల్లో నటించారు. రామ్ చరణ్ రెండు వైవిధ్యమైన పాత్రల్లో కనిపించబోతున్నాడు అని గ్లింప్స్ తోనే అర్థం అవుతుంది. అయితే ఈ మూవీ అలా ఉండబోతోంది.. ఇలా ఉండబోతోంది అంటూ రోజుకో వార్త మాత్రం హల్చల్ చేస్తూనే ఉంది. అయితే ఇవన్నీ గాసిప్స్ మాత్రం కాదు అనేది తెలుస్తోంది. తాజాగా అలాంటి వార్తే ఒకటి వినిపిస్తోంది.

పెద్ది సినిమాలో ఓ ఇంటెన్సిటీ హాస్పిటల్ సీక్వెన్స్ ఉండబోతోందట. ఈ సీక్వెన్స్ సినిమాకే హైలెట్ గా నిలవబోతోందంటున్నారు. అలాగే ఈ సీక్వెన్స్ లో రామ్ చరణ్ నట విశ్వరూపం ఉండబోతోందంటున్నారు. మామూలుగా ఇలాంటి సీక్వెన్స్ లు చాలా సినిమాల్లో ఉంటాయి. బట్ పెద్దిలో మాత్రం ఆ అన్నిటికీ మించి ఉంటుందని టాక్. దీనికోసం రామ్ చరణ్ చాలా స్పెషల్ కేర్ తీసుకున్నాడట. అలాగే బుచ్చిబాబు కంటే సినిమాటోగ్రాఫర్ రత్నవేలు ఈ సీక్వెన్స్ పై స్పెషల్ కేర్ తీసుకున్నాడంటున్నారు. లైటింగ్ పరంగా కూడా ఈ సీక్వెన్స్ హైలెట్ అవుతుందని అంటున్నారు. సో.. మొత్తంగా ఈ మూవీ గురించి రకరకాల వార్తలు మాత్రం తెగ ఊరిస్తున్నాయి. ఫ్యాన్స్ తో పాటు కామన్ ఆడియన్సెస్ లో కూడా పెద్దిపై మంచి క్రేజ్ క్రియేట్ అవుతోంది. మరి ఈ సీక్వెన్స్ ఎలా ఉంటుందనేది చూసేవారి అంచనాలను మించి ఉంటుందా లేదా అనేది తెలియాల్సి ఉంటుంది.